Hoseya 2:7 - IBAYIBOLO 2024

⁷ Akwiza pakubachimbilila abapamoyo bache, loli atakwiza pakubalema. Akwiza pakubalondalonda. Loli atakwiza pakubagha. Po akwiza pakunena ukuti, “Nkunyokela ku mulume wane uwakwanda, ngati mumo zikabelagha pakwanda pala. Pakuti kale ivintu vikabapo akiza ukuchila pakabalilo aka.”

Hoseya 2:7 Iomraidhean Croise

2 Imbili 28:23

Akabika ivyakwiyipa ku bachala aba mu Damasika, babo bakamupota. Pakuti akinong'onagha akati, “Pachifukwa ichakuti abachala aba bamwene aba mu Siliya babavwa abamwene bala, po nane nkwiza pakubika ivyakwiyipa umwakuti banyavwe.”

Masalimo 116:7

Wee moyo wane, tuzya, pakuti u Mwene akubombeye ivyiza.

Yesaya 30:16

Mukanena mukati, ‘Awe, tukwiza pakuchimbila pafalasi.’ Polelo babo bakubachimbizya, bope bakwiza pakuchimbila umwalubilolubilo ukubachila!

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 2:28

Po nkimba abachala babo mukipangila mwebene bali ko kwiyi? Baleke bize nanti bangabapoka bo muli muntamyo! Pakuti awe, we Yuda, uli nabachala abinji nkani ngati mumo ubeleye nutwaya utukulu.

Yelemiya 2:36

Nkimba choni chicho mukwisamula mwebene pakwendakwenda uku na uku? Aba Ijiputi bakwiza pakubakozya isoni ngati mumo aba Asiliya bakabombela.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 31:18

“Nivwa aba Efulayimu bakulila bakuti, ‘Naloli watufunda ngati ngwata yiyo yitamanyiziwe, sona twamanyilapo ukwivwila. Utunyosye ukuti tunyokele kukwako, pakuti naloli we Mwene u Chala witu.

Yelemiya 31:32

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti bakanangannya ulufingo, napapo nkaba ngati ne mulume wabo umusubiliwa.” U Mwene anena.

Yelemiya 44:17

Nubwanaloli bosi tukwiza pakubomba chosi chicho tukanena ukuti tukwiza pakuchibomba. Tukwiza pakumochela utwakununkila u Mwene Umukolo Uwakumwanya nukumubikila ichakwiyipa icha vinyo ngati mumo aswe na banyenya na bamwene bitu na makambala ghitu tukabombela mutwaya utukulu utwa Yuda sona na mumisebo iya Yelusalemu. Pakabalilo kalakala tukaba ni chakulya ichinji nkani, sona tukaba akiza nkani, yitakabapo intamyo nayimoyimo.

Ezekiyeli 16:18

Ukasenda amenda ghako aghakulabiwa nukuvivwika ivifwani vyako, sona nukwiyipa amafuta ghane nutwakununkila pantazi papabo.

Ezekiyeli 16:8

“ ‘Pisinda pache nkadumusannya papipi sona bo natalankannya, nkakwennya ukuti naloli wafikapo pakabalilo akasendwa nkakukuzulila inkuto iya nkazo yane nukuvwinka inkule yako. Nkafingana nawe ulufingo ulwa sendwa, u Mwene Uwamaka Ghosi anena, sona ukwiza pakuba we wane.

Ezekiyeli 20:32

Mukuti, “Tukulonda pakuba ngati inko, ngati bantu aba muchisu chosi, babo bakwiputa amakwi na mabwe.” Loli zinizi zitakwiza pakubombiwa.

Ezekiyeli 23:12

Wepe bulo akabanyonywa nkani aba Asiliya, abalaghili aba chigaba abasongo aba basilikali, babo bakavwala ivya bwite, bakakwela pafalasi, bosi bakaba abalumendo abakuboneka akiza nkani.

Ezekiyeli 23:22

“Polelo, we Oholiba, u Mwene Uwamaka Ghosi akuti: Nkwiza pakuvivundumuzya ivighane vyako vivyo pisinda pache ukavibenga, ukuti vilwane nawe, nkwiza pakwiza nabo ukufuma kumbazu zyosi,

Ezekiyeli 23:4

Usongo akaba we Ohola, umuzuna wache akaba we Oholiba. Bakaba bane nukupapa abana abalumendo na balindu. Ohola akaba we Samaliya, u Oholiba akaba we Yelusalemu.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Daniyeli 5:21

Akefiwapo pakasi pabantu, sona inyinong'ono zyache zikaba ngati zya chinyamana. Akikalagha pakasi pampunda sona akalyanga isote ngati ng'ombe, nukunyeka ni nganda mupaka pabumalilo akazyaghannya ukuti u Chala Uwakumwanya Nkani, weyuyo akulaghila sona akumusala wesi yuyo akulonda pakumusala.

Hoseya 1:2

Bo u Mwene anda pakunenela mwa Hoseya akati, “Usende umalaya pakuba muchi wako, sona mupape nawe abana. Bope bakwiza pakuba bamalaya pachifukwa ichakuti ichisu chabomba ubwamalaya ubukulu nkani pakumupa u Mwene inkonto.”

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 2:16

U Mwene akuti, “Pakabalilo kalakala, ukwiza pakunyitizya ukuti mulume wane.” Utakwiza pakunyitizya sona ukuti Baala wane.

Hoseya 5:13

Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.