Hoseya 2:4 - IBAYIBOLO 2024

⁴ Ntakwiza pakuba nichililizi nabana bache, pachifukwa ichakuti bakapapiliwa mubulowe.

Hoseya 2:4 Iomraidhean Croise

2 Abamwene 9:22

Bo u Yolamu amwennya u Yehu, akamulalusya akati, “Wee Yehu, nkimba kwiza bulo?” U Yehu akamwamula akati, “Umutende ghungabapo bulibuli nanti ukwiputa ivifwani nu bulozi vivyo unyoko u Yezibeli akandizya vichili vilipo?”

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yesaya 57:3

Loli zagha kuno amwe, mwe bana abalumendo aba mukolo uwamayele, mwe bana abamukolo umulowe numalaya!

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 16:5

U Mwene akuti, “Mutakinjilayemo munyumba mumo muli ichililo. Mutakalilaye pamo ukulanjizya ichitima, pakuti nefyamo umutende wane nu lughano lwane sona ni chisa chane mubantu banaba.

Ezekiyeli 23:25

Nkwiza pakubika ubukali bwane ubwa kabini papinyu, mubukalale bwabo bakwiza pakumalana nawe. Bakwiza pakukudumula impuno yako na makutu ghako, sona na babo basyetemo bakwiza pakufwila kubwite. Bakwiza pakubasenda abana bako abalumendo na balindu, babo basyetemo mumwako umoto ghukwiza pabalungulizya.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Ezekiyeli 9:10

Po ntakwiza pakubapelela ichisa pamo pakubaleka bumi, loli nkwiza pakubatanizya pazizyo babombite.”

Hoseya 1:2

Bo u Mwene anda pakunenela mwa Hoseya akati, “Usende umalaya pakuba muchi wako, sona mupape nawe abana. Bope bakwiza pakuba bamalaya pachifukwa ichakuti ichisu chabomba ubwamalaya ubukulu nkani pakumupa u Mwene inkonto.”

Hoseya 1:6

U Gomeli akamela sona ulwanda, nukupapa umwana umulindu. Po u Mwene akamubuzya u Hoseya akati, “Umwite ukuti we Lo Luhama, pakuti ntakwiza pakuba nichililizi sona naba Izilayeli ukuti imbahobokele.

Hoseya 5:7

Bate basubiliwa kwa Mwene, pakuti bapapa umusiwana. Po ulusekelo lwabo ulwa Kupanta ukwa Mwezi umupya lukwiza pakubanangannya poka na maghunda ghabo.

Zekaliya 1:12

Po uwantumi uwa Mwene akamula akati, “Wee Mwene Uwamaka Ghosi, nkimba utakwiza pakumupelela ichisa mupaka liyi u Yelusalemu nutwaya utwa mu Yuda tuto watukalaliye amaka 70?”

Yohani 8:41

Amwe mukubomba imbombo izya tata winyu.” Abene bakamwamula bakati, “Aswe tute twe basosi, tuli nu tata weka mpela, yuyo we Chala.”

Aba Loma 11:22

Panapa mungachennya ichisa icha Chala, sona nu bukali bwache. Abakalaliye abantu babo bawiye, loli ali ni chisa namwe, nanti mukwendelela pakubomba vivyo vikumuhobosya. Loli nanti mutakubomba bunubu, namwe bulo mukwiza pakupalantiwa.

Aba Loma 9:18

Polelo u Chala ali ni chisa pa muntu wesi yuyo akumulonda, sona u Chala akughupela umoyo uwa muntu wesi pakuba mukafu ukuyana namumo u Chala umwenecho akulondela.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.