Hoseya 2:3 - IBAYIBOLO 2024

³ Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Hoseya 2:3 Iomraidhean Croise

Ukufuma 17:3

Loli abantu bala bakaba ni nyota nkani, po bakilumbusyanga kwa Mozesi bakati, “Nkimba choni chicho ukatwefyamo muchisu icha Ijiputi? Fwandi ukulonda pakutughogha ni nyota aswe na bana bitu, sona ni vitekwa vyitu?”

Yesaya 33:9

Ichisu chikulila sona chikunanganika, umusitu uwa Lebanoni ghukufoka, u Shaloni ali ngati we Alaba, ichisu icha Bashani ni cha Kalimeli vikulaghazya amani ghabo.

Yesaya 47:3

Inkule yako yikwiza pakuba pabuzelu, po ukwiza pakukoziwa isoni. Nkwiza pakubatanizya, sona ntakwiza pakumuleka nayumoyumo.”

Yesaya 64:10

Utwaya twako utukulu nkani utuzelu, twaba nkolongo, nu Ziyoni wepe nkolongo, u Yelusalemu aba chisami.

Yelemiya 12:10

Abadimi abinji baghunangannya umughunda wane uwa mampesya, sona bakughukanyankila, baghupela umughunda wane umwiza ghula pakuba nkolongo.

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 13:26

“Nkwiza pakukuvwinkula ichakuvwala chako bo ukwennya namaso ghako, sona inkule yako yikwiza pakuboneka pabuzelu.

Yelemiya 14:3

Abachindikiwa bakubatuma abambombo pakusemba amizi, bakubuka ku viziba, loli batakughaghako amizi. Bakunyokela ni sonta zizyo zite na mizi naghamoghamo, bali ni soni sona bitwikite inyobe zyabo pamitu yabo.

Yelemiya 17:6

Umuntu ngati yunuyu ayanite bulo ni chivwati icha munkolongo; atakwiza pakubwennyapo ubwiza. Akwiza pakwikala munkolongo, mumo mutalimo amizi naghamoghamo, muchisu icha mbeya mumo mutalimo nu muntu uwakwikalamo.

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 2:6

Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Yelemiya 22:6

Pakunena nizya nyumba iya bumwene iya mwene uwa Yuda u Mwene akati, “Napapo uli ngati we chisu icha Giliyadi kukwane, sona uli ngati songa iya lighamba ilya Lebanoni, naloli nkwiza pakukupela pakuba we nkolongo, pakuba ngati twaya tuto abantu batakwikalamo.

Yelemiya 4:26

Nkennya, nkagha ukuti ichisu icha muvundo chikaba nkolongo, utwaya utukulu tukananganika pachifukwa icha bukali ubwa Mwene.

Yelemiya 51:43

Utwaya twache utukulu tukwiza pakuba chisami, ni chisu ichumizu, sona nicha nkolongo, ichisu chicho mutakwikalamo nayumoyumo, mumo abantu batakwendamo.

Yelemiya 51:5

Ichisu icha Izilayeli nicha Yuda vitalekiwe, nu Chala wabo, u Mwene Uwamaka Ghosi, napapo ichisu chabo chizuye nukunanga, pamaso pa Muzelu uwa Izilayeli.

Ezekiyeli 16:22

Po mubunyazu bwako bosi nu bwamalaya bwako utakaghakumbuka amasiku ghako agha kubulumendo, bo uli nkule umusita kuvwala po ukughalaghata mwibanda lyako.’ ”

Ezekiyeli 19:13

Po ilelo libyaliwe munkolongo, muchisu ichumizu chicho chili ninyota

Hoseya 13:15

Napapo aba Efulayimu bangahoboka nkani ngati lutete. Impepo iya Mwene iyakubufumilo ubwizuba, iyikufuma munkolongo, imbwibwi niviziba vikwiza pakukamuka, ivibombelo vyache vyosi ivya mutengo vikwiza pakufyuliwa.

Hoseya 2:10

Po nkwiza pakuyibika pabuzelu inkule yache, pamaso pa baghaniwa bache. Atalipo nayumoyumo umuntu yuyo akwiza pakumupoka munyobe zyane.

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.

Abalongi 15:18

Pakabalilo kalakala u Samusoni akaba ni nyota nkani, po akamulilila u Mwene akati, “Wamupa umubombi wako ubupoti ubukulu nkani. Po nkimba losi ulu imfwe ni nyota nukuwila munyobe izya bantu babo batasilimuliwe?”