Hoseya 2:21 - IBAYIBOLO 2024

²¹ U Mwene akuti, “Mumasiku ghalaghala nkwiza pakwighula kumwanya, po ivula yikwiza pakutima pachisu ichapasi.

Hoseya 2:21 Iomraidhean Croise

Yesaya 55:10

Ngati mumo ivula nukabefu, vikuwila pasi ukufuma kumwanya, sona vitakunyokelako, bo vitasembeleye ichisu, po akumezya imbeyu nukuzikuzya umwakuti chimupanje umulimi inyinulo ni chakulya ichinji.

Yesaya 62:4

Utakwiza pakuneniwa sona, ukuti we “Wakulekiwa,” pamo ichisu chako, ukwitiziwa ukuti, “Chisami.” Loli ukwiza pakwitiziwa ukuti, “U Chala ahobokite nawe.” Ichisu chako chikwiza, pakwitiziwa ukuti, “Sendwa.” Pachifukwa ichakuti, u Mwene ahobokite nawe, sona ukwiza pakuba, ngati we mulume kuchisu chako.

Yesaya 62:5

Ngati mumo umulumendo akusendela umukolo, momumo abana bako abalumendo, bakwiza pakukusenda, ngati mumo umwenesendwa akuhobokela, numulindu yuyo amusenda, momumo u Chala wako akwiza pakuhoboka nawe.

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Ezekiyeli 36:29

Nkwiza pakubapoka kubunyazu bwinyu bosi. Nukubapa ingano inyiza sona nkwiza pakumazya izala papinyu.

Hoseya 14:7

Abantu banaba bakwiza pakwikala sona mukazundila kache, bakwiza pakubazya ngati lutabo ulwa mampesya. Bakwiza pakumanyikwa ngati chakung'wela icha vinyo muchisu icha Lebanoni.

Yoweli 2:19

U Mwene akwiza pakubamula ukuti, “Nkubatumila ingano, nu vinyo umupya, sona na mafuta, vivyo vikwiza pakubakwana, Po ntakwiza pakubasamula sona pakasi pa inko.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Malaki 3:10

Mwizaye munyumba yane iyakusungulamo ivyabupi vyinyu ivya chigaba choka pavigaba teni ukuti munyumba yane mubanje ivyakulya ivyinji.” U Mwene Uwamaka Ghosi akuti, “Munjele umwakuti mwennye nanti inte nighule imilyango iyakumwanya nukubawisizya ulusayo ulwinji nkani umwakuti mutakwiza pakuba navyo ivyinji nkani.”

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?