Hoseya 2:20 - IBAYIBOLO 2024

²⁰ Nkwiza pakukuzingila mubusubiliwa, po ukwiza pakumanya ukuti ane ne Mwene.

Hoseya 2:20 Iomraidhean Croise

Ubwandilo 9:10

ni vyabumi vyosi, ni viyuni, ni vitekwa, ni vinyamana ivyamuzi. Ivi vyo vintu vyosi vivyo vikafumila kuzi poka nawe mubwato mula.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 62:4

Utakwiza pakuneniwa sona, ukuti we “Wakulekiwa,” pamo ichisu chako, ukwitiziwa ukuti, “Chisami.” Loli ukwiza pakwitiziwa ukuti, “U Chala ahobokite nawe.” Ichisu chako chikwiza, pakwitiziwa ukuti, “Sendwa.” Pachifukwa ichakuti, u Mwene ahobokite nawe, sona ukwiza pakuba, ngati we mulume kuchisu chako.

Yelemiya 24:7

Nkwiza pakubapa u moyo uwakuzimanya ukuti ne Mwene. Bakwiza pakuba bantu bane, nane nkwiza pakuba ne Chala wabo, pakuti bakwiza pakunyokela kukwane nu moyo wabo ghosi.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.

Ezekiyeli 16:62

Po nkwiza pakwikazya ulufingo lwane nawe, sona mukwiza pakumanya ukuti ane ne Mwene.

Ezekiyeli 16:8

“ ‘Pisinda pache nkadumusannya papipi sona bo natalankannya, nkakwennya ukuti naloli wafikapo pakabalilo akasendwa nkakukuzulila inkuto iya nkazo yane nukuvwinka inkule yako. Nkafingana nawe ulufingo ulwa sendwa, u Mwene Uwamaka Ghosi anena, sona ukwiza pakuba we wane.

Ezekiyeli 34:25

“ ‘Nkwiza pakufingana nabo ukuti bikalaye mumutende nukuvichimbizyamo ivinyamana muchisu ukuti ing'ozi zyane zyikalaye munkolongo nukughona bulo mumusitu umwakufwasa.

Ezekiyeli 34:27

Amakwi agha munkolongo ghakwiza pakwela ivikomwa, sona amaghunda ghakwiza pakupa ivikomwa, bo nabasatula abantu bane bakwiza pakwikalagha umwakufwasa muchisu chabo. Po bakwiza pakumanya ukuti ane ne Mwene, sona nukubapoka munyobe izya babo bakababika mubuzya.

Ezekiyeli 38:23

Po nkwiza pakulanjizya ubukulu bwane nubuzelu bwane, sona nkwiza pakwivumbula pamaso pa inko inyinji. Po bakwiza pakumanya ukuti ane ne Mwene.”

Hoseya 13:4

Loli ane ne Mwene u Chala winyu, yuyo akabefya muchisu icha Ijiputi. Mutakabamanye aba Chala abanji loli ane ne mwene, sona ataliko Umupoki uyunji loli ane ne mwene.

Hoseya 2:19

Nkwiza pakukuzingila bwila na bwila. Nkwiza pakukuzingila mubugholosu, na mubwanaloli, nu lughano lulo lutakumala nalumolumo, sona ni chililizi

Hoseya 6:6

Pakuti intakulonda ivyakwiyipa, loli nkulonda ichisa. Chicho nkunyonywa ko kumumanya u Chala, ukuchila ivyakwiyipa ivyakocha.

Aba Levi 26:5

Inyinulo yinyu yikwiza pakwendelela mupaka pakabalilo akakuyabila ivikomwa, sona mukwiza pakuyabagha ivikomwa mupaka pakabalilo akakubyalila. Mukwiza pakulya ivibama nukwikuta, sona mukwiza pakwikala muchisu chinyu umwakufwasa.”

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Mika 4:3

Akwiza pakulonga pakasi pa inko inyinji, pakasi pa inko izyamaka, izya papipi nizya kubutali bulo. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Zekaliya 9:10

U Mwene akuti, “Nkwiza pakuzyefya ingolo izya bwite kwa Efulayimu, sona ifalasi izya bwite kwa Yelusalemu, bope ubwele ubwakulwila ubwite bukwiza pakupyoliwa. U mwene winyu akwiza pakufumusya umutende pakasi pa inko zyosi. Ubulaghili bwache bukwiza pakwandila kunyanja mupaka kunyanja iyinji, ukwandila sona kulusoko ulwa Yufuleti mupaka kubumalilo ubwa chisu.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Luka 10:22

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.”

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Yohani 8:55

Amwe mutamumenyepo nalumo, loli ane imumenye. Nanti natinji intamumenye, ngali ne mumyasi ngati mwemwe. Loli ane imumenye, sona nkwivwila amazyu ghache.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

Aba Hebeli 8:11

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo.

1 Yohani 4:6

Loli aswe twe bache aba Chala. Umuntu wesi yuyo amumenye u Chala akututeghelezya. Loli umuntu wesi yuyo atamumenye u Chala atakututeghelezya. Umu momumo tungalesanizya Umuzimu uwa bwanaloli nu muzimu uwa bumyasi.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.