Hoseya 2:2 - IBAYIBOLO 2024

² Muchemele unyoko, muchemele, pakuti ate muchi wane, sona nane inte ne mulume wache. Umubuzye ukuti aleke ubwamalaya bwache, sona nu bulowe bubo ali nabo.

Hoseya 2:2 Iomraidhean Croise

Yesaya 11:12

Akwiza pakukwezya indembela ku inko, nukubabungannya abazya, babo bakanyapana muchisu icha Izilayeli nicha Yuda, ukwanda kunkuto zyosi izya chisu.

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 19:3

Ubabuzye uti, ‘Mwee bamwene aba mu Yuda, na bosi babo bakwikala mu Yelusalemu, ivwa ku zizyo ane ne Mwene Uwamaka Ghosi, u Chala uwa Izilayeli nkunena: Nkwiza nintamyo impalapala nkani pabuzilo ubu umwakuti wesi yuyo akwivwa akwiza pakuswigha bulo.

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Ezekiyeli 16:20

“ ‘Ukasenda abana bako abalumendo na balindu babo ukampapila nukwiyipa pakuba chakulya icha vifwani. Nkimba ubwamalaya bwako butakakukwana?

Ezekiyeli 16:25

Pa musebo ghosi ukazengapo ubuzilo ubwapamwanya ubwa kwiputilapo nukukusamula ukuboneka akiza kwako kuwesi yuyo akudumusannya nukubomba nawe ubwamalaya bwako.

Ezekiyeli 20:4

“Wee mwana uwa muntu, nkimba ukwiza pakubalonga? Po ubabuzye abasongo nivya mwiko vivyo abanyenya babo bakabomba,

Ezekiyeli 23:43

“Po nkanena nemwene nkati, ‘Umukolo yula amala nubwamalaya, po ilelo leka bamubombezye ngati we malaya, pakuti momumo abeleye.’

Ezekiyeli 23:45

Loli abantu abagholosu bakwiza pakubalonga abakolo bala pakubafunda nu bwamalaya ninongwa iya kukupula ibanda, pachifukwa ichakuti abakolo banaba bo bamalaya sona ibanda lili munyobe zyabo.

Hoseya 1:2

Bo u Mwene anda pakunenela mwa Hoseya akati, “Usende umalaya pakuba muchi wako, sona mupape nawe abana. Bope bakwiza pakuba bamalaya pachifukwa ichakuti ichisu chabomba ubwamalaya ubukulu nkani pakumupa u Mwene inkonto.”

Hoseya 2:1

“Po ubabuzye abawamwinyu ukuti, ‘Mwe bantu bane, sona ubabuzye abayemba bako ukuti indi nichililizi namwe.’ ”

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 4:5

Mukwipunula pamusanya na pabusiku bulo, abalaghuzi bope bakwipunula poka namwe. Po nkwiza pakumughogha unyoko.

Mika 2:13

Umuntu yuyo akulongolela, weyuyo akubalanjizya izila pantazi papabo, bakwiza pakupankula umulyango nukufumamo. U mwene wabo akwiza pakudumusannya pantazi papabo, u Mwene akwiza pakubalongozya.”

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.