Hoseya 2:19 - IBAYIBOLO 2024

¹⁹ Nkwiza pakukuzingila bwila na bwila. Nkwiza pakukuzingila mubugholosu, na mubwanaloli, nu lughano lulo lutakumala nalumolumo, sona ni chililizi

Hoseya 2:19 Iomraidhean Croise

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Yesaya 1:27

Pachifukwa ichakuti u Mwene mugholosu, akaya akakulu nkani aka Yelusalemu kakwiza pakupokiwa, poka na bantu bosi babo bapinduka.

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Yesaya 54:6

U Mwene akwiza pakukwitizya sona po ngati ukaba muchi wache, yuyo achimbiziwe nukuyimba mumuzimu, ngati muchi umulindu yuyo akamukana.” Momumo akunenela u Chala wako.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Ezekiyeli 16:8

“ ‘Pisinda pache nkadumusannya papipi sona bo natalankannya, nkakwennya ukuti naloli wafikapo pakabalilo akasendwa nkakukuzulila inkuto iya nkazo yane nukuvwinka inkule yako. Nkafingana nawe ulufingo ulwa sendwa, u Mwene Uwamaka Ghosi anena, sona ukwiza pakuba we wane.

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Yoweli 3:20

Mu Yuda mukwiza pakwikalamo abantu bwila na bwila, sona inkulilo zyosi izya bantu zikwiza pakwikala mu Yelusalemu.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Yohani 3:29

Yuyo asenda weyuyo wemwenecho uwa mukolo. Loli umumanyani uwa mwenesendwa weyuyo akwimilila papipi nukuteghelezya. Akuhoboka nkani bo akwivwa amazyu agha mwenesendwa. Bunubu nane ihobokite nkani.

Aba Loma 7:4

Mwee bakamu bane, umu momumo zibeleye namwe. Ukuyana ni Ndaghilo, namwe mukafwa pakuti mwe vigaba ivya mubili uwa Kilisitu. Po ilelo muli bache mwa yuyo akazyuka kubufwe, umwakuti tumwelelaye ivikomwa u Chala.

2 Aba Kolinti 11:2

Indi nu buzuba namwe ukuyana namumo u Chala abeleye namwe nu buzuba. Pakuti nkabazingilila kwa Kilisitu ngati mulindu yuyo atamumenye nalumo umwanavuli.

Ubuvumbuli 21:2

Nkennya Akaya Akakulu nkani Akazelu, u Yelusalemu umupya kakwika kumwanya kwa Chala, bo kiyanizye ukuyana nu mukolo yuyo avwalite amenda amiza ukuti akomane nu mulume.