Hoseya 2:14 - IBAYIBOLO 2024

¹⁴ Polelo nkwiza pakumudeba umukolo yula, nukubuka nawe kunkolongo, sona nkwiza pakunena nawe akiza nkani.

Hoseya 2:14 Iomraidhean Croise

Ubwandilo 34:3

Umoyo uwa Shekemu ghukamughana nkani u Dina umwana uwa Yakobo yula, umwakuti akayezya nkani pakumudeba.

Yobu 36:16

Akwefyamo muntamyo, nukukubika mubwiza, kuko akukwikutisya ni vyakulya ivyiza.

Inyimbo izya Solomoni 1:4

Twende tubukaye poka, twende tubukaye lubilolubilo. Wee mwene wane, unyinjizye munyumba yako. Tukusekela nukuhoboka poka nawe, sona tukwiza pakulupala ulughano lwako ukuchila uvinyo. Naloli abakolo bosi bakughanite nkani.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yelemiya 16:14

U Mwene akuti, “Akabalilo kakwiza kako abantu batakwiza pakunena sona ukuti, ‘Nkulapila mwa Mwene umumi, yuyo akabefyamo aba Izilayeli muchisu icha Ijiputi,’

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Ezekiyeli 20:10

Polelo nkabefyamo muchisu icha Ijiputi nukubalongozezya munkolongo.

Ezekiyeli 20:33

“ ‘U Mwene Uwamaka Ghosi akuti: Naloli nkulapa nkuti nkwiza pakubalaghila ninyobe iyamaka nukuyigholosya inyobe yane bo nkalaye.

Hoseya 2:3

Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Mika 1:7

Ivifwani vyache vyosi vikwiza pakutiziwa tunanditunandi, sona ni vyabupi vyache vyosi, ivya mu Nyumba iya Chala vikwiza pakochiwa numoto. Nkwiza pakuvinangannya ivifwani vyache vyosi. Pakuti akavyaghila ivyabupi vyache mumuvwalo uwa bwamalaya, pakuba muvwalo uwa bwamalaya bakwiza pakuvibombezya sona.”

Mika 4:10

Mwee bantu aba mu Ziyoni, ghalaghata nukukoloma, ngati mukolo yuyo akupapa, losi ulu mwepaye mukaya aka, nukwikala munkolongo. Mukwiza pakubuka ku Babiloni, kulakula mukwiza pakupokiwa. U Mwene akwiza pakubatabula munyobe izya balwani binyu.

Yohani 12:32

Loli ane, bo napayikiwa, nkwiza pakubawesela bosi kukwane.”

Yohani 6:44

Ataliko nayumo umuntu yuyo angiza kukwane nanti Utata yuyo akantuma, atakumuwesela kukwane. Po nane nkwiza pakumuzyusya pisiku ilyabumalilo.

Ubuvumbuli 12:14

Loli umukolo yula akapeghiwa ivipapande vibili ivya lizwanga, umwakuti abulukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.

Ubuvumbuli 12:6

Umukolo yula akachimbilila munkolongo, kubuzilo bubo u Chala akamuyanizizya, ukuti angasungiwako amasiku 1,260.

Abalongi 19:3

umulume akabuka pakumulambilizya ukuti banyokelane. Umu Levi yula akabuka nu wambombo wache poka ni mpunda zibili. Umukolo yula akamwinjizya munyumba iya wise. Po uwise akahoboka nkani, bo amwennya.