Hoseya 14:8 - IBAYIBOLO 2024

⁸ Wee Efulayimu, nkimba imbombe sona ichoni ni vifwani? Nkwiza pakumwamula nukumusungilila akiza. Indi ngati likwi ibisi ilya payini, pakuti ivikomwa vyinyu vyafuma kukwane.”

Hoseya 14:8 Iomraidhean Croise

Yobu 33:27

Po akwiza pamaso pabantu nukuti, “Ane nkananga pakubunyongannya ubugholosu, loli intakapokela chicho nkachilondagha.

Yobu 34:32

Umanyisye zizyo intangazyennya, nanti imbombitepo chimo ichibibi, ntakwiza pakwandizya sona.

Yesaya 41:19

Munkolongo nkwiza pakubyalamo, amakwi agha mwale, nagha mungwina, sona nagha ntumbusya nagha misyunguti. Muchisu ichumizu nkwiza pakubyalamo amakwi agha payini nagha mibula poka nilya mulombwa,

Yesaya 55:13

Mubuzilo ubwa mivwa mukwiza pakumela amakwi agha payini, mubuzilo ubwa ntumbusya mukwiza pakumela amakwi aghamazwanga. Ichi chikwiza pakuba chimanyilo icha Mwene, icha bwila na bwila, chicho chitakwiza pakunanganika.”

Yesaya 60:13

Ubuchindamu ubwa Lebanoni bukwiza pakukwizila, nu payini nu aligumu poka numulombwa, vikwiza pakuyannya ubuzilo bwane ubuzelu, ubuzilo ubwakukanyapo ivinama vyane, bukwiza pakuchindikiwa.

Ezekiyeli 17:23

Nkwiza pakukabyala pighamba pamwanya muchisu icha Izilayeli, umwakuti kabe nisamba nukwela ivikomwa, nukuba likwi ilya mwale ichindikiwa. Muntende mwache mukwiza pakwikala iviyuni ivya luko nuluko, vikwiza pakuzengamo ivivumbo musamba zyache.

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Luka 15:20

Po akanyamuka nukunyokela kwa wise.’ “Bo achili ali pabutalipo ni nyumba uwise akamwennya. Umoyo wache ghukizula ni chitima akachimbila nukumukukila, sona akamulamuka nu lughano.

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Aba Efeso 5:9

pakuti ivikomwa ivya lukozyo zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli.

Aba Filipi 1:11

Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Aba Filipi 2:13

Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.

Aba Filipi 4:13

Ningabomba ichintu chosi ukwendela mumwache yuyo akumpa amaka.

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.