Hoseya 14:7 - IBAYIBOLO 2024

⁷ Abantu banaba bakwiza pakwikala sona mukazundila kache, bakwiza pakubazya ngati lutabo ulwa mampesya. Bakwiza pakumanyikwa ngati chakung'wela icha vinyo muchisu icha Lebanoni.

Hoseya 14:7 Iomraidhean Croise

Masalimo 138:7

Napapo nkwenda muntamyo, ukubusungilila ubumi bwane. Ukugholosya inyobe yako pakubakanizya abalwani bane babo bankalaliye, sona inyobe yako indilo yikumpoka.

Masalimo 85:6

Nkimba utakwiza pakutupa sona ubumi ukuti twe bantu bako tusekelaye mumwako?

Masalimo 91:1

Umuntu wesi yuyo akwikala mubuzilo ubwakuvwamo Uwakumwanya Nkani, akwikala muchizyezye icha Uwamaka Ghosi,

Inyimbo izya Solomoni 2:3

Ngati mumo libeleye ikwi ilya manyele mumusitu, momumo abeleye umughaniwa wane pakasi pa balumendo. Nkuhoboka nkani pakwikala mukazundila kache, sona ivikomwa vyache vyope vikunona nkani mumulomo wane.

Inyimbo izya Solomoni 4:11

Wee mughaniwa wane, imilomo yako yikutonya ubuchi, sona ulukama nu buchi vili kusi kululimi lwako. Ukununkila ukwa menda ghako kuli ngati gho munusi uwamu Lebanoni.

Inyimbo izya Solomoni 6:11

Nkikila kumughunda wane uwa seke izya mposya, ukuti nennye ubwezya mwikombe. Nkabuka pakwennya nanti amampesya ghanda pakulemba, pamo nanti amanyele ghanda pakubazya.

Yesaya 61:11

Pakuti ngati mumo itope likumezezya imbeyu, sona ngati mumo umughunda, ghukukuzizya imbeyu, zizyo babyalitemo, momumo u Mwene Uwamaka Ghosi, wepe akwiza pakubombela nu bugholosu, namapalo pamaso pa inko zyosi.

Ezekiyeli 17:23

Nkwiza pakukabyala pighamba pamwanya muchisu icha Izilayeli, umwakuti kabe nisamba nukwela ivikomwa, nukuba likwi ilya mwale ichindikiwa. Muntende mwache mukwiza pakwikala iviyuni ivya luko nuluko, vikwiza pakuzengamo ivivumbo musamba zyache.

Hoseya 14:5

Pa ba Izilayeli nkwiza pakuba ngati ne nganda, bakwiza pakubazya ngati bwezya, Abantu banaba bakwiza pakumela amagululuzi, amagululuzi ngati makwi agha mwale mu Lebanoni.

Hoseya 2:21

U Mwene akuti, “Mumasiku ghalaghala nkwiza pakwighula kumwanya, po ivula yikwiza pakutima pachisu ichapasi.

Hoseya 2:22

Itope lyope likwiza pakupa ingano, nu vinyo umupya, na mafuta gha syunguti, umwakuti u Yezileli avibombezyanje imbombo.

Hoseya 6:2

Bo ghachilapo amasiku mabili akwiza pakutunyosezyamo nubumi, sona pisiku ilyabutatu akwiza pakutuzusya sona, ukuti tubanje nubumi pamaso papache.

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Yohani 11:25

U Yesu akamubuzya akati, “Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa.

Yohani 12:24

Naloli nkubabuzya ukuti nanti imbeyu iya ngano yitakuwa pitope nukufwa, po yikuba yo yilayila bulo. Loli nanti yikufwa, po yikwela ivikomwa ivyinji nkani.