Hoseya 14:5 - IBAYIBOLO 2024

⁵ Pa ba Izilayeli nkwiza pakuba ngati ne nganda, bakwiza pakubazya ngati bwezya, Abantu banaba bakwiza pakumela amagululuzi, amagululuzi ngati makwi agha mwale mu Lebanoni.

Hoseya 14:5 Iomraidhean Croise

2 Samuweli 23:4

ayanite bulo ngati kulama ukwa izuba bo likufuma, ngati kulama ukwa izuba pisiku lilyo kute amabingu. Akulama ngati lizuba bo ivula yaleka bulo pakutima, yiyo yikumezya isote pachisu ichapasi.’

2 Abamwene 19:30

Abamunyumba iya Yuda abakusyalako bakwiza pakumela amagululuzi nukwela ivikomwa.

Yobu 29:19

Amagululuzi ghane ghakwiza pakufika kumizi, ni nganda yikwiza pakuwa patusamba twane busiku bosi.

Masalimo 133:3

Chili ngati nganda iya mu Helimoni, yikuwila pighamba ilya Ziyoni. Pakuti kulakula u Mwene akabikako ulusayo lwache, mupaka ubumi ubwa bwila na bwila.

Masalimo 72:16

Muchisu chosi mubanje ni vyakulya ivyinji nkani, sona na pamwanya patughamba bulo pope pabanje ivintu ivyinji nkani. Ivikomwa vyache vyelaye nkani ngati vikomwa ivya mu Lebanoni, sona abantu bache aba mukaya akakulu nkani banyamaye ngati lisote.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Masalimo 80:9

Ukaghalimila umughunda amampesya ghala, po aghene ghakamela amagululuzi amibizu nkani, amagululuzi ghala ghakataba posi na posi pachisu.

Masalimo 92:12

Abantu abagholosu bakwela ngati mabale, sona bakukula ngati makwi agha mwale agha mu Lebanoni,

Masalimo 92:13

ghagho ghabyaliwe mu Nyumba iya Mwene, sona ghagho ghakwela mulubinjilo ulwa Chala.

Ivyili 19:12

Ubukali ubwa mwene buli ngati ko kubuluma ukwa nkalamu, loli ichisa chache chili ngati yo nganda pisote.

Inyimbo izya Solomoni 2:16

Umughaniwa wane sona nane ne wache, akudima umudimo wache pakasi pa bwezya.

Inyimbo izya Solomoni 4:5

Amabele ghako mabili ghali ngati to twambabala tubili, ngati to tumapasa utwa mpombo tuto tukulya pakasi pabwezya.

Yesaya 12:1

Pisiku lilalila mukwiza pakwimba ukuti, “We Mwene! Nkukupalizya pakuti ukankalalila, ilelo ubukali bwako bwatozoka sona wansangalusya.

Yesaya 18:4

Izi zyo zizyo u Mwene akumbuzya, akuti, “Nkwiza pakuba bulo myee, nukwennya ukufuma pabuzilo bwane ubwakwikalapo, ngati chitukizu icha pamusanya, ngati libingu ilya nganda pakabalilo akanyinulo.”

Yesaya 26:19

Loli abafwe binyu bakwiza pakuba bumi, amabili ghabo ghakwiza pakuzyuka kubufwe. Amwe mwe mukwikala mulufumbi, nyamuka nukukolomoka nukusekela. Inganda yako yili ngati nganda iya pandabindabi, ichisu ichapasi chikwiza pakubanyosezya ubumi abantu abafwe.

Yesaya 27:6

Mumasiku ghagho ghakwiza abaluko ulwa Yakobo bakwiza pakwisimika, u Izilayeli akwiza pakuba ni samba sona akwiza pakubazya, sona akwiza pakwizuzya ichisu chosi ichapasi ni vikomwa.

Yesaya 35:2

Chikwiza pakubazya ubwezya ubwinji, chikwiza pakusekela nkani, sona chikwiza pakuhoboka nukwimba. Ubuchindamu ubwa Lebanoni bukwiza pakupeghiwa kukwache, ichisu icha Kalimeli nu Shaloni, vikwiza pakwennya ubuchindamu ubwa Mwene, nu bukulu ubwa Chala witu.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 45:8

Nkwiza pakutuma ubupoti ukufuma kumwanya, bukwiza pakutima ngati vula. Ichisu chikwiza pakwighuka, nukupokela ubupoki, umwakuti ubugholosu bukule, ne Mwene nkazipela izi.”

Yesaya 57:18

Nazyennya izila zyache, loli nkwiza pakumupozya, nkwiza pakumulongozya nukumusangalusya,

Yesaya 57:19

nukwimba amapalo pamilomo iya babo bakulila mu Izilayeli. Umutende, umutende, ku bantu, babo bali papipi nakubutali, sona nkwiza pakubapozya.” U Mwene anena.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Mika 5:7

Abakusyalako aba Yakobo, bakwiza pakwikala pakasi pabantu abinji, ngati nganda iyakufuma kwa Mwene, ngati vula iyakusalasata pisote, bakwiza pakusubila u Chala, batakwiza pakumusubila umuntu.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Matayi 6:28

“Po choni chicho mukupasya nizya menda aghakuvwala? Ennya ubwezya ubwa muzi mumo bukukulila. Butakubomba imbombo, pamo ukwipangila amenda.

Luka 12:27

Ennya ubwezya ubwa muzi mumo bukukulila. Butakubomba imbombo, pamo ukwipangila amenda. Loli nkubabuzya ukuti u Mwene u Solomoni nu bukabi bwache bosi, atakaba na menda amiza ghagho ghayanite bulo nubwezya bumo ubu.

Aba Efeso 3:17

umwakuti u Kilisitu ikale mumoyo ghinyu ukwendela mu lwitiko, nkwiputa sona ukuti mwisimike na magululuzi ghinyu nukuti mwikalane mulughano.

Ukukumbusya Amalamulo 32:2

Ivimanyisyo vyane vitimaye ngati yo vula, sona amazyu ghane ghabanje ngati yo nganda. Ngati ko kavula akakusalasata, amazyu ghane ghawanje pisote ghatimaye pisote iteta ngati yo vula inyinji nkani.