Hoseya 14:4 - IBAYIBOLO 2024

⁴ U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Hoseya 14:4 Iomraidhean Croise

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 20:8

Abantu banaba bakwiza pakwipunula nukuwa pasi, loli aswe tukwiza pakunyamuka nukwimilila.

Masalimo 78:38

Loli akaba wachisa, akabahobokela imbibi zyabo, po atakabanangannya, akabalilo na kabalilo akubwisya ubukali bwache, loli atakakalala.

Ukufuma 15:26

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne Mwene, yuyo akubapozya.”

Yesaya 12:1

Pisiku lilalila mukwiza pakwimba ukuti, “We Mwene! Nkukupalizya pakuti ukankalalila, ilelo ubukali bwako bwatozoka sona wansangalusya.

Yesaya 55:1

U Mwene akuti, “Zagha, mwebosi mwe muli ninyota, mwize ku mizi; sona na mwe mute ni ndalama, zagha, mughule nukulya! Zagha, mung'wele pabulo uvinyo nu lukama.

Yesaya 57:18

Nazyennya izila zyache, loli nkwiza pakumupozya, nkwiza pakumulongozya nukumusangalusya,

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 33:6

“Loli pope bulo, nkwiza pakukapa ubumi ubwiza nukubapozya abantu bane sona nkwiza pakubalanjizya umutende uwakufikapo nukuti batakanyilaye nakamokamo.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 8:22

Nkimba ku Giliyadi ghutaliko u mulembo uwakupozezya? Nkimba ataliko nayumoyumo umughanga kulakula? Po nkimba choni chicho ivilonda ivya abantu bane vitakupola?

Ezekiyeli 33:14

Nanti nkumusoka umuntu umubibi ukuti, ‘Naloliloli ukwiza pakufwa,’ loli akuzileka imbibi nukubomba ubwanaloli nu bugholosu,

Ezekiyeli 36:36

Po inko zizyo zisyeteko umwakubazyungulila zikwiza pakumanya ukuti ane ne Mwene nazenga vivyo vikananganika nukubyalamo sona muchisu chicho chikaba chisami. U Mwene anena sona nkwiza pakuzibomba.’

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 2:19

Nkwiza pakukuzingila bwila na bwila. Nkwiza pakukuzingila mubugholosu, na mubwanaloli, nu lughano lulo lutakumala nalumolumo, sona ni chililizi

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Ukubelengiwa 25:11

“U Finehasi umwana uwa Eleyazala, umwizukulu uwa muputi u Aloni abwisya ubukali bwane paba Izilayeli, pakuti akaba nu lweke ukuyana namumo imbeleye, cho chifukwa intakabazimizya abantu banaba.

Ukubelengiwa 25:4

U Mwene akamubuzya u Mozesi akati, “Ubasende abalongozi bosi aba bantu banaba, ubaghoghe pabuzelu pamaso papane, umwakuti ubukali ubwa Mwene butozoke paba Izilayeli.”

Aba Loma 3:24

Loli pachifukwa icha chisa ichabulo icha Chala, abantu bakuneniwa bagholosu pamaso papache ukwendela mwa Kilisitu Yesu, yuyo akubapoka.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Titi 3:4

Loli bo u Chala Umupoki witu alanjizya ichisa nu lughano lwache,