Hoseya 14:3 - IBAYIBOLO 2024

³ U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Hoseya 14:3 Iomraidhean Croise

2 Imbili 16:7

Pakabalilo kalakala umulaghuzi u Hanani akiza kwa mwene u Asa uwamu Yuda nukumubuzya ukuti, “Pachifukwa ichakuti wamusubila u mwene uwamu Siliya ukuchila u Mwene u Chala wako, abasilikali abamwene aba mu Siliya bakutolokite.

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 146:3

Utakabasubilaye abalongozi pamo umuntu, sona yuyo atangakupoka napo panandi.

Masalimo 146:9

U Mwene akubasungilila abayeni, sona akubavwa abana abalanda na bakolo abafwilwe, loli akubavulungannya abantu ababibi.

Masalimo 33:17

Ukuyisubila ifalasi pabwite kutangamwavwa umuntu napapo yingaba na maka amakulu nkani yitangamupoka.

Masalimo 68:5

Uwise uwa balanda, sona nu muvighilili uwa bakolo abafwilwe, we Chala yuyo akwikala mu Nyumba yache izelu.

Yesaya 1:29

“Ukwiza pakukoziwa isoni pachifukwa ichakuti amakwi agha mupandapanda, ghagho ukahobokagha nagho. Ukwiza pakukoziwa isoni pachifukwa icha maghunda ghagho ukaghasala.

Yesaya 2:20

Pisiku lilalila abantu bakwiza pakubasumbila abatunko na bakasyusyu ivifwani vyabo ivya siliva nu golide, vivyo bakipangila bene ukuti bavyiputaye.

Yesaya 27:9

Bunubu, po imbibi izya Izilayeli zikwiza pakuhobokeliwa, vinivi vikwiza pakuba vikomwa ivyakwefesezya imbibi, akwiza pakughatizannya amabwe ghosi agha vighemo pakuba lufumbi, ichighemo ichakwiputilapo ichifwani icha Ashela, pamo ichighemo ichakufukizizya utwa kununkila, vitakwiza pakubangapo sona.

Yesaya 30:16

Mukanena mukati, ‘Awe, tukwiza pakuchimbila pafalasi.’ Polelo babo bakubachimbizya, bope bakwiza pakuchimbila umwalubilolubilo ukubachila!

Yesaya 30:2

Bakubuka ku Ijiputi bo batambuzikizizye, nukulonda ubwavwilizi kwa Falabo, bakulonda ubuvighilili sona nu buzilo ubwakuponelako ku Ijiputi.

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Yesaya 31:3

Loli aba Ijiputi bantu bulo teba Chala awe, ifalasi zyabo nyama bulo te muzimu awe. Nanti u Mwene agholosya inyobe yache, yuyo akavwa akwiza pakwipunula, yuyo avwiliziwa akwiza pakuwa pasi, bosi bakwiza pakuzimila poka.

Yesaya 36:8

“Ilelo zagha, twitinkane nu mwene wane uwamu Asiliya. Nkwiza pakubapa ifalasi 2,000 nanti mungaba nabendezi!

Yelemiya 49:11

Baleke abana abalanda, nkwiza pakubusungilila ubumi bwabo. Bope abakolo abafwilwe bakwiza pakunsubila.”

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Ezekiyeli 37:23

Batakwiza pakwinyazya nivifwani vyabo sona ivintu ivyamwiko pamo ukunanga kwabo, pakuti nkwiza pakubapoka kububibi ubwa kunyokela mwisinda, nukubaswefya. Bakwiza pakuba bantu bane, nane nkwiza pakuba ne Chala wabo.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 13:2

Bachili bakunanga bulo, bakwipangila bene ivifwani ivya siliva, ivifwani vivyo vikupangiwa akiza nkani, vyosi vinivi bo bafundi babo pakuvipanga. Abantu bakubanena ukuti, “Bakubika ivyakwiyipa ku vifwani ivya ngwata vinivi nukuvifyofyonta.”

Hoseya 14:8

Wee Efulayimu, nkimba imbombe sona ichoni ni vifwani? Nkwiza pakumwamula nukumusungilila akiza. Indi ngati likwi ibisi ilya payini, pakuti ivikomwa vyinyu vyafuma kukwane.”

Hoseya 2:17

Nkwiza pakughefyamo amatabwa agha aba Baala pamalomo ghache, sona abantu batakwiza pakughakumbukamo sona amatabwa ghabo pakwiputa.

Hoseya 4:12

Bakubuzikizya ku chifwani icha ikwi, sona bakulaghula ni indisa yikubamula. Umuzimu uwa bwamalaya wabasovya, umwakuti batakusubiliwa kwa Chala.

Hoseya 5:13

Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Hoseya 8:6

Nkimba ichifwani chinichi chitafuma mu Izilayeli? Chapangiwa nabafundi bulo. Te we Chala, awe, ichifwani ichakubiziwa mu Samaliya chila, chikwiza pakutiziwa mutuvigaba.

Hoseya 8:9

Pakuti babuka kwa Asiliya, ngati yo mpunda yiyo yikwendakwenda bulo yene. U Efulayimu akabalipila indalama kubaghaniwa bache.

Yona 2:10

Po u Mwene akayilamula iswi yila ukuti yimutapikile u Yona pisila ilya nyanja.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Yohani 14:18

“Ntakwiza pakubaleka mwebene ngati mwe bapina, nkwiza sona kukwinyu.

Ukukumbusya Amalamulo 17:16

U mwene atakabanje ni falasi izya bwite inyinji nkani, sona atakabatumaye abantu ku Ijiputi pakughula ifalasi zimo, pakuti u Mwene akababuzya akati, “Mutakanyokelayeko sona.”