Hoseya 14:2 - IBAYIBOLO 2024

² Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Hoseya 14:2 Iomraidhean Croise

2 Samuweli 12:13

Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

2 Samuweli 24:10

Bo u Devedi amala pakubabelenga abantu, akanda pakutamiwa nkani mumoyo wache, po akati, “Nananga nkani pazizyo nabomba. Losi ulu nkukulaba we Mwene wane ukuti unhobokele imbibi yane ne mubombi wako, pachifukwa ichakuti nabomba ichintu ichabupunganu nkani.”

Yobu 7:21

Nkimba choni chicho utakuzimya ukunanga kwane nukuzihobokela imbibi zyane? Pakuti losi ulu nkwinjila mwipumpa, ukwiza pakundondelezya, loli utakwiza pakunyennya nalumo.”

Masalimo 119:108

Wee Mwene, pokela ichakwiyipa icha mapalo ghane, sona umanyisyanje amalamulo ghako.

Masalimo 50:14

Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Masalimo 51:16

Utakuhoboka ni vyakwiyipa, lumo ngali nkwiza navyo, sona utakahoboka ni vyakwiyipa ivyakocha.

Masalimo 51:17

Ivyakwiyipa vivyo vikumuhobosya u Chala, gho muzimu uwakwiyisya, po u Chala utakwiza pakughusulannya umoyo uwakwiyisya.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yesaya 6:7

Akaghupalamasya umulomo wane ni zimwa nukuti, “Ennya izimwa ili lyapalamasya imilomo yako ukunanga kwako kwamala, sona imbibi zyako zyahobokeliwa.”

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Hoseya 12:7

Umughulizi avighanite ivipimilo ivyabumyasi sona bighanite nkani pakubalyela abantu.

Hoseya 5:5

Ukwikwezya ukwa ba Izilayeli kukubasimikizya, Aba Efulayimu bope bakwipunula mumbibi zyabo. Abantu aba muchisu icha Yuda bope bakwipunula poka nabo.

Hoseya 6:6

Pakuti intakulonda ivyakwiyipa, loli nkulonda ichisa. Chicho nkunyonywa ko kumumanya u Chala, ukuchila ivyakwiyipa ivyakocha.

Yoweli 2:17

Muleke umuputi yuyo akubomba pamaso pa Mwene, alilaye pakasi pa bwinjililo ubwa Nyumba iya Chala ni chighemo. Baleke banenaye ukuti, “Wee Mwene ubapelele ichisa abantu bako. Utakachipele ichilingo chako ukuti chisamuliwe. Nkimba choni chicho banenaye pakasi pa inko izinji ukuti, ‘Nkimba u Chala winyu ali ko kwiyi?’ ”

Yona 2:9

Loli ane nkwiza pakukwimbila inyimbo izya mapalo, nkwiza pakubika ichakwiyipa kukwako, sona nkwiza pakuvibomba ivintu vivyo nkafingana nawe. Pakuti ubupoki bwane bukufuma kwa Mwene.”

Zekaliya 3:4

Uwantumi akababuzya abantu babo bakimilila pamaso papache akati, “Muvule amenda amanyazu agha.” Po akamubuzya u Yoshwa akati, “Ennya nazyefya imbibi zyako, nakuvwika amenda amiza amapya agha.”

Matayi 7:11

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa ivintu ivyiza babo bakumulaba?”

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Luka 18:13

Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Aba Loma 11:27

Ulu lo lufingo lwane lulo nkwiza pakufingana nabo bo nkwefya imbibi zyabo.”

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 10:4

ichifukwa chitangabombiwa ukuti ibanda ilya nkambaku nilya mbuzi lyefye imbibi.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

1 Yohani 3:5

Loli muzimenye ukuti u Kilisitu akiza, umwakuti efye imbibi, pakuti mumwache mutalimo nayimoyimo imbibi.