Hoseya 14:1 - IBAYIBOLO 2024

¹ Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 14:1 Iomraidhean Croise

2 Abamwene 8:12

U Hazayeli akamulalusya akati, “Wee mwene wane, nkimba choni chicho ukulila?” U Elisha akamula akati, “Pachifukwa ichakuti inchimenye ichintu ichibibi chicho ukwiza pakubabombela aba Izilayeli. Ukwiza pakughocha amalinga ghabo, nukubaghogha abana babo abalumendo. Ukwiza pakubakomezya pasi abana babo, sona nukubatumbulannya abakolo babo bali pabung'wamu.”

Yesaya 19:22

U Mwene akwiza pakubafunda aba Ijiputi ni chiwaya akwiza pakubafunda nukubapozya. Bakwiza pakunyokela kwa Mwene, po akwiza pakwivwa ukulambilizya kwabo nukubapozya.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Nkuto 5:16

Impumpu yitu yawa kumitu yitu, sona twaghuniwa pachifukwa ichakuti twananga nkani!

Ezekiyeli 16:46

“ ‘Umukulu wako umulindu akaba mu Samaliya, yuyo akikalagha kumitu kukwako na bana bache abalindu. Yuyo akikalagha kuntende na bana bache abalindu, akaba we Sodomu.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 33:14

Nanti nkumusoka umuntu umubibi ukuti, ‘Naloliloli ukwiza pakufwa,’ loli akuzileka imbibi nukubomba ubwanaloli nu bugholosu,

Hoseya 10:12

Mwipeselaye mwebene ubugholosu umwakuti mwinulaye, lughano lulo lutakupotwapo nalumolumo. Puzannya amaghunda ghinyu, pakuti ko kabalilo akakumulondela u Mwene, mupaka u Mwene ize nukubapungulila ubugholosu.

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Hoseya 13:9

Wee Izilayeli wananganika, pachifukwa ichakuti wansambukila, sona wamusambukila umwavwilizi wako.

Hoseya 4:8

Ichakulya chabo zyo mbibi izya bantu bane, sona ububibi yo nyanyi yabo.

Hoseya 5:5

Ukwikwezya ukwa ba Izilayeli kukubasimikizya, Aba Efulayimu bope bakwipunula mumbibi zyabo. Abantu aba muchisu icha Yuda bope bakwipunula poka nabo.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Hoseya 9:13

Nkubennya aba Efulayimu ngati kaya aka Tile, kabyaliwe mubuzilo ubwiza, loli u Efulayimu akwiza na bana bache pakughoghiwa.”

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Amosi 1:13

U Mwene akuti, “Pakuti abantu aba mu Amoni bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabatumbula akabibi abakolo abanyanda aba mu Giliyadi, umwakuti babanje ni chisu ichikulu nkani.