Hoseya 13:8 - IBAYIBOLO 2024

⁸ Nkwiza pakubanga ngati we labwe, yuyo bamufyula utwana twache, nkwiza pakabazepulannya. Sona nkwiza pakubamila bulo ngati nkalamu, nukubazepulannya ngati chinyamana icha munkolongo.

Hoseya 13:8 Iomraidhean Croise

2 Samuweli 17:8

Awe uzimenye akiza nkani ukuti ughuso, poka na bantu bache bo basilikali abajivu, sona bakoghofya nkani ngati we labwe, yuyo bamwibila abana bache. Ukonjelezyapo ughuso amenye nkani pakulwa ubwite, po atangaghona poka na basilikali bache ubusiku ubu.

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Masalimo 80:13

Ingulube izya munkolongo zikughakanyankila, po ivinyamana ivya muzi vikughalya.

Ivyili 17:12

Chizapo pakukomana nu labwe yuyo bamufyula abana nukuchila pakukomana nu mupunganu yuyo akubomba ivyabupunganu.

Yesaya 5:29

Ukulila kwabo kuli ngati kwa nkalamu, zikubuluma ngati bana aba nkalamu, zikubuluma bo zikulema inyama nukubuka nayo, kuko atalipo nayumo uwakuyipoka.

Yesaya 56:9

U Mwene azibuzya inko injeni ukuti, “Mwee vinyamana ivyamunkolongo, sona ni vya mumusitu zagha mwebosi mulye

Yelemiya 12:9

Abantu aba mpyana yane bali ngati chiyuni icha mabala, chicho chizyunguliliwe na mazwanga. Leka ivinyamana vyosi ivya mwisote vibungane nukubalya.

Yelemiya 25:38

U Mwene ali ngati nkalamu yiyo yiyilekite impako yache, sona ichisu chabo chaba chisami, pachifukwa icha bantu babo bakubayivya nu bwite, sona pachifukwa icha bukali ubwa koghofya ubwa Mwene.

Hoseya 2:12

Nkwiza pakughanangannya amampesya ghache, na makwi agha makuyu, ghagho akatinji gho malipilo ghache aghakufuma ku baghaniwa bache. Nkwiza pakughapela pakuba ngati gho musitu, sona ivinyamana ivyamuzi vikwiza pakughalya.

Hoseya 5:14

Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.