Hoseya 13:6 - IBAYIBOLO 2024

⁶ Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 13:6 Iomraidhean Croise

Nehemiya 9:35

Napapo bakilaghilagha bene nukwilagha ivintu ivyiza muchisu ichikulu ni chamboto chicho ukabapa, pope bulo batakakubombela pamo ukuleka imbombo zyabo imbibi.

Masalimo 10:4

Umuntu uwamituvyo atakumulondelezya u Chala, sona akwinong'ona mumoyo wache ukuti u Chala ataliko.

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Yesaya 17:10

Amwe mwamuluvya u Chala Umupoki winyu, mutakumukumbuka yuyo lyalabwe linyu ilyakuponelamo. Polelo, napapo mukabyala imbeyu inyiza, nukwitikizya imbeyu iya bachala abayeni,

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Ezekiyeli 23:35

“U Mwene Uwamaka Ghosi akuti: Pakuti wanduvya nukumbika kwisinda kwako, ubaghiye pakufundiwa pachifukwa icha chinyonywa chako nubwamalaya.”

Ezekiyeli 28:5

Pachifukwa icha bumanyi bwako pakughulizannya, wabalizya ubukabi bwako, sona pachifukwa icha bukabi bwako wikwezya nkani.

Hoseya 10:1

Aba Izilayeli bakaba ngati lo lutabo ulwa mampesya, lulo lukwela ivikomwa vyache. Bo ivikomwa vyache vikubala, bope bakazenga ivighemo ivyinji nkani. Bo ivintu vyabo vikubendela akiza muchisu, bope bakavighana nkani ivikumbusyo ivya mabwe amapaghuliwa.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 2:7

Akwiza pakubachimbilila abapamoyo bache, loli atakwiza pakubalema. Akwiza pakubalondalonda. Loli atakwiza pakubagha. Po akwiza pakunena ukuti, “Nkunyokela ku mulume wane uwakwanda, ngati mumo zikabelagha pakwanda pala. Pakuti kale ivintu vikabapo akiza ukuchila pakabalilo aka.”

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 4:7

Bo abaputi bakonjelela ubwinji, momumo bakanangila nane bulo. Bakughulizannya ubuchindamu ubwa Chala ni vintu ivikozya soni.

Hoseya 5:14

Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Hoseya 8:14

Aba Izilayeli bamuluvizye umupeli wabo, nukuzenga inyumba inkulu izya bumwene. U Yuda abalizya utwaya utukulu nkani utwa malinga. Loli Nkwiza pakutuwisizya umoto, ghugho ghukwiza pakughalungulizya amalinga ghabo.”

Hoseya 8:4

Aba Izilayeli bakwiyimikila bene abamwene bo batambuzikizizye, sona bakwisalila amakambala bo ntabitikizizye. Nu siliva sona nu golide wabo bakwipangila bene ivifwani, vivyo vikwiza pakubanangannya.

Ukukumbusya Amalamulo 32:18

Bakalitoloka Ilyalabwe, yuyo akaba we wise wabo, Bakamuluvya u Chala, yuyo akabapela.