Hoseya 13:5 - IBAYIBOLO 2024

⁵ Nkabasungilila akiza nkani munkolongo, muchisu ichumizu nkani.

Hoseya 13:5 Iomraidhean Croise

Ubwandilo 31:40

Akabalilo akinji nkayimba pamusanya nu butukizu, sona pabusiku nkayimba nu bukatazu. Nkapotwa na pakughona bulo utulo.

Masalimo 1:6

Pakuti u Mwene akuyennya inkalo iya bantu abagholosu, loli abantu ababibi bakwiza pakuzimila.

Masalimo 142:3

Nanti umuzimu wane wadedebala, awe akwiza pakumanya zizyo imbaghiye pakubomba. Po muzila zizyo nkwendamo, abantu bateghitemo ivipingo.

Masalimo 31:7

Nkwiza pakuhoboka nukusekela pachifukwa icha lughano lwako lulo lutakupotwa nalumolumo. Pakuti ukaghennya amayimba ghane sona ukakumanya ukutamiwa ukwa moyo wane.

Masalimo 63:1

Wee Chala, awe we Chala wane, sona nkukulondelezya nu moyo wane ghosi. Umoyo wane ghuli ni nyota nawe, sona umubili wane ghope ghukukusamba. Nkukusamba nkani ngati chisu ichumizu, sona ngati nkolongo yiyo yite na mizi.

Ukufuma 2:25

U Chala akabwennya ubuzya ubwa ba Izilayeli, po akapalamasiwa nkani mumoyo.

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 2:6

Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Hoseya 5:3

Imbamenye akiza nkani abantu aba mu Efulayimu, bope aba Izilayeli batavwamite pamaso papane. Mwe bantu aba mu Efulayimu, ilelo mwaba mwe bamalaya, sona aba Izilayeli banyaziwe.”

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

1 Aba Kolinti 8:3

Loli umuntu yuyo amughanite u Chala, amanyikitwe nu Chala.

Aba Galatiya 4:9

Loli pakuti ilelo mumumenye u Chala pamo ukumanyikwa nu Chala, po bulibuli ukuti munyokele kunyiho izya chisu ichapasi zizyo zite ni mbombo, sona zizyo zite namaka? Nkimba mukulonda mubanje sona mwe bazya aba vintu vinivi?

Ukukumbusya Amalamulo 2:7

U Mwene u Chala winyu abasaya amwe pambombo zyosi zizyo mwabomba. Abasungilila akiza pabulendo bwinyu munkolongo inkulu yila. U Mwene u Chala winyu abanga namwe amaka 40 ghosi ghanagha, sona mutakasobelwapo ichintu nachimochimo.

Ukukumbusya Amalamulo 32:10

Akabagha munkolongo muchisu mumo mutakabamo nakamokamo. Akabavighilila nukubasungilila ngati mumo angalisungilila ilyiso lyache.

Ukukumbusya Amalamulo 8:15

U Mwene akabalongolela munkolongo inkulu nkani ni yakoghofya yila, mumo mutakaba amizi, sona mukaba injoka izya bwanga na bankonya. Akabapa amizi aghakufuma mwilyalabwe.