Hoseya 13:2 - IBAYIBOLO 2024

² Bachili bakunanga bulo, bakwipangila bene ivifwani ivya siliva, ivifwani vivyo vikupangiwa akiza nkani, vyosi vinivi bo bafundi babo pakuvipanga. Abantu bakubanena ukuti, “Bakubika ivyakwiyipa ku vifwani ivya ngwata vinivi nukuvifyofyonta.”

Hoseya 13:2 Iomraidhean Croise

1 Abamwene 19:18

Loli nkwiza pakubaleka bumi abantu 7,000 mu Izilayeli. Banaba bo bantu babo batamufughamiliyepo u Baala, pamo ukumufyofyonta.”

2 Imbili 28:13

Bakababuzya bakati, “Mutakizaye nabo kuno abakayidi banaba. Lumo tungamunangila u Mwene. Nkimba mukulonda ukuti mubombe zimo izyakonjelezya pa mbibi zyitu zizyo tunangite kale? Pakuti imbibi zyitu nkulu, sona u Mwene abakalaliye aba Izilayeli.”

2 Imbili 33:23

U Amoni atakiyisya pamaso pa Mwene ukuyana namumo akabombelagha uwise u Manase, loli akabombagha imbibi.

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Yesaya 1:5

Nkimba mukulonda imbakome piyi, fwandi choni chicho mukusambuka bulo? Umutu winyu ghosi ghuvulaye sona amoyo ghinyu ghosi ghabinite.

Yesaya 30:1

U Mwene akuti, “Chighune ku bantu babo basambuke, abantu babo bakubatika ivintu vivyo te vyane, po bakufinga ulufingo lulo lute lwa Muzimu wane awe, bakulundika imbibi pa mbibi.

Yesaya 44:11

Abantu bosi babo bakwiputa kuvifwani bakwiza pakukoziwa isoni, abakubiza ivifwani bantu babulo. Baleke bize poka nukwimilila, bakwiza pakoghofiwa nukukoziwa isoni.

Yesaya 45:20

Mubungane poka nukwiza, amwe inko izya bantu. Mupalamile papipi, mwe mukapona ku bantu aba inko izinji. Abapunganu bo babo bakunyamula ivifwani ivya kubiza, babo bakwiputa kuvifwani vivyo vitangabapoka.

Yesaya 46:6

Bamo bakakupula ugolide ukufuma munyambi zyabo, nukupima usiliva pachipimilo, bakumusimba imbombo umusyana golide, pakuyannya uchala uwa chifwani, bakumufughamilila nukumuchindika.

Yesaya 46:8

Kumbuka zinizi, po muchinong'onelayepo, sona chibanje pamoyo winyu, mwe bakusambuka amwe

Yelemiya 10:4

Bakulipaka nu siliva sona nu golide, bakulikomela ni mizumali, umwakuti litakaneng'enaye.

Yelemiya 10:8

Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Hoseya 10:1

Aba Izilayeli bakaba ngati lo lutabo ulwa mampesya, lulo lukwela ivikomwa vyache. Bo ivikomwa vyache vikubala, bope bakazenga ivighemo ivyinji nkani. Bo ivintu vyabo vikubendela akiza muchisu, bope bakavighana nkani ivikumbusyo ivya mabwe amapaghuliwa.

Hoseya 10:5

Abantu babo bakwikala mu Samaliya bakuchinyila ichifwani icha ngwata icha mu Beti Aveni. Abantu bache bakwiza pakuchilila, abaputi bache bakwiza bakuchilila, pachifukwa icha buchindamu bwache. Pakuti chasendiwa, nukubuka kuchisu icha buzya.

Hoseya 11:2

Napapo nkamwitizya u Izilayeli akinji bulo, loli akepaghako nkani kukwane. Bakabika ivyakwiyipa kwa Baala, sona bakafukizya utwakununkila ku vifwani.

Hoseya 11:6

Ubwite bukwiza pakunangannya utwaya twabo utukulu nkani, bukwiza pakunangannya sona impingwi izya nyiyi, nukumazya imbatiko zyabo zyosi.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Hoseya 2:8

Atakazimanya ukuti nkaba nene, ne nkamupa ingano, nu vinyo, sona na mafuta. Atakazimanya ukuti nkaba nene nkamupa usiliva umwinji nu golide, yuyo bakabombezya pakumwiputa u chala wabo u Baala.

Hoseya 4:17

Abantu aba muchisu icha Efulayimu bimamatizizye bene kuvifwani, baleke bulo!

Hoseya 8:4

Aba Izilayeli bakwiyimikila bene abamwene bo batambuzikizizye, sona bakwisalila amakambala bo ntabitikizizye. Nu siliva sona nu golide wabo bakwipangila bene ivifwani, vivyo vikwiza pakubanangannya.

Hoseya 8:5

Mwee bantu aba mu Samaliya, vitaghe ivifwani vyinyu ivya ngwata! Ubukali bwane bukwaka papabo. Nkimba pakwiza pakwendapo kabalilo koni, ukuti abantu banaba biswefye?

Hoseya 8:6

Nkimba ichifwani chinichi chitafuma mu Izilayeli? Chapangiwa nabafundi bulo. Te we Chala, awe, ichifwani ichakubiziwa mu Samaliya chila, chikwiza pakutiziwa mutuvigaba.

Ukubelengiwa 32:14

“Losi ulu mwasenda ubuzilo ubwa banyenya binyu aba nkulilo iya bantu ababibi, sona bakulonda nkani pakonjelezya ubukali pa Mwene uwa ba Izilayeli.

Aba Loma 11:4

Nkimba u Chala akamwamula bulibuli? Akamwamula akati, “Nisungiye nemwene abanavuli 7,000, babo batamuchindikitepo u Baala, u chala umumyasi yula.”

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.