Hoseya 13:16 - IBAYIBOLO 2024

¹⁶ Abantu aba mu Samaliya bafundiwanje pachifukwa icha bubibi bwabo, pakuti bamusambukiye u Chala wabo. Abantu banaba bakwiza pakughoghiwa nupanga, bope abana babo bakwiza pakubabamizya pasi, po abachi babo abalwanda bakwiza pakubazepula.

Hoseya 13:16 Iomraidhean Croise

2 Abamwene 15:16

Pakabalilo kalakala u Menahemu akepako ku Tiliza nukakanangannya akaya akakulu nkani aka Tapuwa. Akabaghogha abantu bosi babo bakaba mulamula, na muchigaba ichakuzyungulila ukwandila mu Tiliza, pachifukwa ichakuti bakakana pakwibika munyobe zyache, sona akabatumbulannya abakolo bosi aba nyanda.

2 Abamwene 17:18

U Mwene akabakalalila nkani aba Izilayeli umwakuti akabefyapo pamaso papache. Loli lwene uluko ulwa Yuda lo lulo lukasyala.

2 Abamwene 17:5

Po u mwene u Shalimanesela uwamu Asiliya akiza pakulwa ubwite nakaya akakulu nkani aka Samaliya. Mumwaka uwabutatu ubwa bwite bula,

2 Abamwene 17:6

ghugho ghukaba mwaka uwa nayini bo u mwene Hosheya akulaghila, u mwene uwamu Asiliya akakafyula akaya akakulu nkani aka Samaliya. Akabalema aba Izilayeli nukubuka nabo ku Asiliya pakuba bakayidi nukubikazya mukaya akakulu nkani aka Hala, muchigaba icha Gozani mulubazu ulwa lusoko ulwa Haboli, sona na mutwaya utukulu nkani utwa ba Mediya.

2 Abamwene 8:12

U Hazayeli akamulalusya akati, “Wee mwene wane, nkimba choni chicho ukulila?” U Elisha akamula akati, “Pachifukwa ichakuti inchimenye ichintu ichibibi chicho ukwiza pakubabombela aba Izilayeli. Ukwiza pakughocha amalinga ghabo, nukubaghogha abana babo abalumendo. Ukwiza pakubakomezya pasi abana babo, sona nukubatumbulannya abakolo babo bali pabung'wamu.”

Yesaya 13:16

Ababonda babo bakwiza pakubamiziwa pasi bo abapapi babo bakwennya, inyumba zyabo zikwiza pakufyuliwa nukubalema pamaka abachi babo.

Yesaya 17:3

Aba muchisu icha Efulayimu batakwiza pakuba ni ilinga ilya kuvwamilamo, ghope amaka agha bumwene mu Damasika ghakwiza pakumala; abakusyalako aba muchisu icha Asiliya, bakwiza pakuba ngati buchindamu ubwa ba Izilayeli.” U Mwene Uwamaka Ghosi anena.

Yesaya 8:4

Pakuti bo umwana achili pakwanda pakunena ukuti, ‘Tata’ pamo ‘Mayi.’ Ichuma icha mu Damasika nivyakufyuliwa ivya muchisu icha Samaliya vikwiza pakusendiwa nu mwene uwa ku Asiliya.”

Hoseya 10:2

Amoyo ghabo mazimbuli, po bafundiwanje pachifukwa icha mbibi zyabo. U Mwene akwiza pakuvimongolannya ivighemo vyabo, nukuvinangannya ivikumbusyo vyabo ivya mabwe amapaghuliwa.

Hoseya 11:6

Ubwite bukwiza pakunangannya utwaya twabo utukulu nkani, bukwiza pakunangannya sona impingwi izya nyiyi, nukumazya imbatiko zyabo zyosi.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Amosi 1:13

U Mwene akuti, “Pakuti abantu aba mu Amoni bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabatumbula akabibi abakolo abanyanda aba mu Giliyadi, umwakuti babanje ni chisu ichikulu nkani.

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Amosi 9:1

Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Mika 1:4

Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Nahumu 3:10

Pope bulo bakasendiwa nukubuka kubukayidi. Bakatukomezya pasi utwabonda po tukasata mosi mumisebo. Amayele ghakabombiwa ukuti bagabane amakambala ghache sona abantu bache bosi abapamwanya bakapinyiwa ni minyololo.