Hoseya 13:14 - IBAYIBOLO 2024

¹⁴ Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Hoseya 13:14 Iomraidhean Croise

Yobu 33:24

pakumupelela ichisa nukuti, “Umupoke ukuti atakabukaye kwipumpa; pakuti nachagha ichakwiyipa ichakupepesezya imbibi zyache,

Yobu 41:22

Musingo yache mo muli amaka; po ukoghofya kukulongolela pantazi pache.

Masalimo 16:10

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Masalimo 30:3

Wee Mwene, ukanyefyamo muchisu icha bantu abafwe; sona utakitikizya ukuti imbukaye kwipumpa.

Masalimo 49:15

Loli u Chala akwiza pakubutabula ubumi bwane mwipumpa, pakuti akwiza pakumpokela.

Masalimo 49:16

Utakapasyanje nanti umuntu akuba mukabi, bo ubukabi ubwa munyumba yache bukonjelela.

Masalimo 71:20

Napapo wantumila intamyo sona ni vyakubaba, loli ukwiza pakumpa sona amaka. Po ukwiza pakunyefyamo muchiliba ichibizu nkani.

Masalimo 86:13

Pakuti ulughano lwako papane lukulu nkani. Waghupoka umuzimu wane kubuzilo ubwibizu ubwa bafwe.

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 26:19

Loli abafwe binyu bakwiza pakuba bumi, amabili ghabo ghakwiza pakuzyuka kubufwe. Amwe mwe mukwikala mulufumbi, nyamuka nukukolomoka nukusekela. Inganda yako yili ngati nganda iya pandabindabi, ichisu ichapasi chikwiza pakubanyosezya ubumi abantu abafwe.

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 20:16

Umuntu yunuyo abanje ngati twaya utukulu nkani, tuto u Mwene atakatupelela ichisa pakutunangannya. Ivwa ukulila ukwa pandabindabi, sona nipati ilya bwite pakasi pamusanya,

Yelemiya 31:35

U Mwene Uwamaka Ghosi akuti, “Nkulamula izuba ukuti lilamaye pamusanya, nkulamula u mwezi ni ntondwa ukuti vilamaye pabusiku, sona nkuyilamula inyanja, umwakuti amayigha ghapongomokaye.

Ezekiyeli 37:9

Po akambuzya akati, “Laghula kumuyi; laghula, wee mwana uwa muntu, sona unene uti, ‘U Mwene Uwamaka Ghosi akuti: Zagha wee muyi uwakufumila kunkuto zyosi folo ufutile pabakughoghiwa aba, umwakuti babe nubumi.’ ”

Hoseya 6:2

Bo ghachilapo amasiku mabili akwiza pakutunyosezyamo nubumi, sona pisiku ilyabutatu akwiza pakutuzusya sona, ukuti tubanje nubumi pamaso papache.

Hoseya 7:10

Ukwitutumula ukwa Izilayeli kukumususya, loli atakunyokela kwa Mwene u Chala wache pamo pakumulondalonda, napapo zyosi zinizi zikumubonekela.

Malaki 3:6

“Ane ne Mwene intakwandukakwanduka. Cho chifukwa amwe mwe baluko ulwa Yakobo mutazimiye zila.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Aba Loma 11:15

Nanti abantu aba muchisu ichapasi bakasayana nu Chala pachifukwa ichakuti akabakana aba Yuda, nkimba kukwiza pakuba bulibuli bo bakupokeliwa sona? Kukwiza pakuba ngati bo bantu abafwe, babo bazyuka kubufwe.

Aba Loma 11:29

Pakuti u Chala atakwandula inyinong'ono zyache pa muntu yuyo amusala nukumusaya.

2 Aba Kolinti 5:4

Bo tukwikala muchisakasa icha muchisu ichapasi, tukukoloma, sona tukung'wamilwa, kute kokuti tukulonda pakwinjila muchisakasa chitu icha muchisu ichapasi, awe, loli nkaninkani tukulonda pakuvwala inyumba yitu iyakumwanya yila, umwakuti chicho chifwe chimiliwe nubumi.

Aba Filipi 3:21

Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

1 Aba Tesalonika 4:14

Tukusubila ukuti u Yesu akafwa nukuzyuka sona kubufwe, tukusubila sona ukuti u Chala akwiza pakubazyusya poka nu Yesu, abantu babo bakafwila mumwache.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Ubuvumbuli 20:13

Po inyanja yikafumya abantu abafwe, babo bakaba mulamula. Ubufwe ni chisu icha bantu abafwe, vyope vikabafumya abantu abafwe babo bakaba mulamula. Po umuntu wesi akalongiwa ukuyana ni mbombo zyache zizyo akabomba.

Ubuvumbuli 21:4

Akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu ivyakale vyazyebeluka.”

Ubuvumbuli 6:8

Nkenelezya nukuyennya ifalasi imbufu. Uwakukwelapo akaba we bufwe, sona ichisu icha bantu abafwe chikamukonkagha mwisinda. Bakapeghiwa ubulaghili pachigaba choka icha vigaba folo ivya chisu ichapasi ukuti baghoghe nupanga, nizala, ni chiwaya, sona ni vinyamana ivikali ivya muchisu ichapasi.

1 Samuweli 15:29

U Chala uwabuchindamu uwa Izilayeli atakutamanta, pamo ukwandula inyinong'ono. Pakuti te muntu ukuti andule inyinong'ono.”