Hoseya 13:13 - IBAYIBOLO 2024

¹³ Ububavu ubwa mukolo yuyo ali pakusayiwa bwabawila, loli u mwana ate na mahala. Bo akabalilo kafikila atakulonda pakufuma pakabalilo kache.

Hoseya 13:13 Iomraidhean Croise

2 Abamwene 19:3

Bakamubuzya u Yesaya bakati, “Izi zyo zizyo u Hezekiya anena ukuti, isiku ili lisiku ilya ntamyo, ilya kuchemeliwa nukukoziwa isoni ngati bo bana bafika pakabalilo kakupapiwa loli amaka aghakubapapila naghamo.

Masalimo 48:6

Bakatetema nkani sona bakivwa ububavu, ngati mukolo yuyo ali pakusayiwa umwana.

Ivyili 22:3

Nanti umuntu uwamahala achennya ichintu ichakoghofya akuvwama, loli umupunganu akwiyendela bulo nukunanganika.

Yesaya 13:8

Ivyakoghofya nivyakubaba vikwiza pakubalema, bakwiza pakuba mububavu ngati, mukolo yuyo ali pakupapa. Bakwiza pakuswighanagha, ivyeni vyabo vikwiza pakuba ni soni.

Yesaya 21:3

Zizyo nkazyennya nukuzyivwa muchisetuka zikampelela ubogha nu bubavu, ububavu ngati ubwa mukolo yuyo ali pakusayiwa. Nkutantalila nazizyo nkwivwa, sona zizyo nkuzyennya zinkuvulungannya.

Yesaya 26:17

Wee Mwene watulizya, ngati mumo akulilila umukolo yuyo ali pakupapa,

Yesaya 37:3

Bakamubuzya u Yesaya bakati, “Izi zyo zizyo u Hezekiya anena ukuti, isiku ili lisiku ilya ntamyo, ilya kuchemeliwa nukukoziwa isoni ngati bo bana bafika pakabalilo kakupapiwa loli amaka aghakubapapila naghamo.

Yesaya 66:9

Nkimba ningamupa bulo abana bo intamupapizizye? Nkimba nkwighalila ulwanda, bo nkwavwa pakupapizya abana?” U Chala anena.

Yelemiya 13:21

Nkimba mukwiza pakunena choni, nanti u Mwene abimika abantu banaba pakuba balaghili binyu? Nkimba chitakwiza pakubababa, ngati mukolo yuyo akusayiwa?

Yelemiya 22:23

Amwe mwe mukwikala munyumba zizyo zizengiwe na makwi agha mwale aghakufuma ku Lebanoni, mukwiza pakulila ngati mukolo yuyo ali mububavu pakabalilo akakupapila.”

Yelemiya 30:6

Leka imbalalusye ilalusyo: Nkimba umuntu umwanavuli angapapa umwana? Po nkimba choni chicho nkwennya ukuti umwanavuli wesi alemite inyobe zyache palwanda, ngati po mukolo yuyo akusayiwa? Nkimba choni chicho icheni icha muntu wesi chachitima?

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 49:24

U Damasika mudedebazu, sona achimbila pachifukwa icha bogha, ububavu ni chitima vyamulema, ngati mukolo yuyo akusayiwa.

Hoseya 5:4

Imbombo zyabo zitakubitikizya pakunyokela kwa Chala wabo. Umuzimu uwa bwamalaya ghuli mumoyo wabo, sona batamumenye u Mwene.

Yohani 16:21

Nanti umukolo ali papipi pakusayiwa, akulwika pakuti akabalilo kache akantamyo kakwana, loli nanti umwana apapiwa, akuluvya intamyo zyache zila pakuti akuhoboka nkani ukuti umwana apapiwa muchisu.

Imbombo 24:25

Bo u Pabuli akunena nizya bugholosu, nizya kwilema, sona nizya Isiku lilyo u Chala akwiza pakubalonga abantu, u Felikisi akaba nubogha nukumubuzya ukuti, “Ungabuka losi ulu. Nkwiza pakukwitizya sona nanti nakagha akabalilo.”

2 Aba Kolinti 6:2

U Chala akuti, “Pakabalilo kane akakubapokela, nkabivwa. Sona pisiku ilya bupoki nkwiza pakubavwa.” Teghelezya! Aka ko kabalilo akakupokelela ichisa icha Chala. Ilelo lisiku lya bupoki.

Ukukumbusya Amalamulo 32:6

Nkimba momumo mukubombela nu Mwene, mwe bapunganu na basita mahala mwee? Nkimba u Mwene ate we ghuso, yuyo akabapela? Nkimba ate weyuyo akabamata nukubapela pakuba mwe luko?

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.