Hoseya 12:9 - IBAYIBOLO 2024

⁹ Ane ne Mwene u Chala winyu, yuyo akabefya muchisu icha Ijiputi. Nkwiza pakubapela ukuti mwikalaye muvisakasa, ukuyana namumo mukabombelagha pa Lusekelo lwa Visakasa.

Hoseya 12:9 Iomraidhean Croise

Ubwandilo 25:27

Bo abana bala bakula, u Esabu akaba muntu umubingi uwamaka nkani, yuyo akighana nkani pakwendakwenda. Loli u Yakobo akaba muntu umololo, yuyo akighana nkani pakwikala panyumba.

2 Samuweli 7:2

Po akamubuzya umulaghuzi u Natani akati, “Ane nkwikala munyumba iya bumwene, yiyo yizengiwe na makwi agha mwale, loli Ibokosi ilya Lufingo ilya Chala lili muchisakasa.”

Ezila 3:4

Bakaba nu Lusekelo ulwa Visakasa ukuyana nu lulaghilo lwache, po isiku ni siku bakabikagha ivyakwiyipa ivyakocha vivyo vikalondiwanga pisiku lilalila.

Masalimo 49:7

Atalipo nayumoyumo umuntu yuyo angabutabula ubumi ubwa muntu uyunji, pamo ukumupa u Chala ichakwiyipa ichakwitabulila mwene.

Masalimo 81:10

Ane ne Mwene u Chala winyu, yuyo akabefya muchisu icha Ijiputi. Asama nkani amalomo ghinyu, Po nkwiza pakubalyesya.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ivyili 30:12

Balipo bamo babo bakwiyennya bene pakuba bazelu mumoyo, loli batefizyemo imbibi zyabo.

Yelemiya 35:7

Sona mutakazengaye inyumba, mutakabyalaye imbeyu pamo amampesya, mutakabanje ni vintu ngati vinivi, loli mwize mwikalaye muvisakasa, kokuti amasiku ghinyu ghabanje minji muchisu chicho mukuponamo bulo.’

Yelemiya 5:27

Ngati vizanga vivyo vyizuye ni viyuni, inyumba zyabo zyizuye nu buzimbuli. Baba bakabi sona bamaka,

Hoseya 11:1

Pakabalilo kako u Izilayeli akaba mwana munandi, nkamughana nkani, po nkamwitizya umwana wane umulumendo, ukuti epemo mu Ijiputi.

Hoseya 13:4

Loli ane ne Mwene u Chala winyu, yuyo akabefya muchisu icha Ijiputi. Mutakabamanye aba Chala abanji loli ane ne mwene, sona ataliko Umupoki uyunji loli ane ne mwene.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Aba Levi 19:36

Mubombezyanje ivipimilo ivyanaloli, sona mutakabazimbulaye abantu bo muli pakupima ivintu. Ane ne Mwene, u Chala winyu, nkabefya muchisu icha Ijiputi.

Aba Levi 26:13

Ane ne Mwene u Chala winyu, ne nkabefya mu Ijiputi, umwakuti mutakabe sona bazya aba ba Ijiputi. Nkapyola ikoli lyinyu, umwakuti mugholokaye bulo pakwenda.

Mika 6:4

Nkabefyamo muchisu icha Ijiputi, sona nkabatabula muchisu icha buzya. Nkabatumila u Mozesi nu Aloni, sona nu Miliyamu ukuti babalongozye.

Zekaliya 11:5

Abantu abakughula bakuzibola, loli bate ninongwa nayimo. Abantu babo bakuzighulizya bakuti, ‘U Mwene apaliwanje, ilelo naba ne mukabi!’ Abadimi babo bate ni chisa ni ng'ozi zyabo.

Ukubelengiwa 15:41

Ane ne Mwene u Chala winyu, nkabefya muchisu icha Ijiputi pakuba we Chala winyu. Ane ne Mwene u Chala winyu.”

Yohani 7:2

Akabalilo aka Ulusekelo ulwa Visakasa ulwa Chiyuda lukaba papipi.