Hoseya 12:7 - IBAYIBOLO 2024

⁷ Umughulizi avighanite ivipimilo ivyabumyasi sona bighanite nkani pakubalyela abantu.

Hoseya 12:7 Iomraidhean Croise

Ubwandilo 49:18

“U Mwene, nkulindilila ubupoki bwako.

Ivyili 11:1

U Mwene avibengite ivipimilo ivyabumyasi, loli ivipimilo ivyanaloli vikumuhobosya.

Ivyili 16:11

U Mwene avibengite ivipimilo ivyabumyasi, weyuyo akupima ubung'wamu bosi bubo buli munyambi.

Yesaya 3:5

Abantu bakwiza pakukanyililana benebene, umuntu wesi nu muntu uyunji, umupalamani nu mupalamani uwamwabo. Abanandi bakwiza pakubasambukila abasongo, abantu abamwalwemwalwe na bachindamu.

Yesaya 56:1

U Mwene akuti, “Mubombaye ubwanaloli sona nu bungolosu, pakuti ubupoki bwane buli papipi, sona ubugholosu bwane, bukwiza pakuvumbuliwa umwalubilolubilo.

Ezekiyeli 16:3

‘Umubuzye u Yelusalemu ukuti u Mwene Uwamaka Ghosi ati: Abanyenya bako bakafuma muchisu icha ba Kenani kuko ukapapiliwa. U ghuso akaba waluko ulwa Amoli sona u nyoko akaba waluko ulwa Hiti.

Ezekiyeli 22:29

Abantu aba muchisu bakubayivya abantu abapina, bakubafyula abapotwe nukubayivya abayeni sona batakubabombela mubwanaloli.

Ezekiyeli 28:5

Pachifukwa icha bumanyi bwako pakughulizannya, wabalizya ubukabi bwako, sona pachifukwa icha bukabi bwako wikwezya nkani.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Amosi 2:7

Bakusendelapo ulusako pabapina nukubasunkila, sona batakubabombela mubwanaloli abantu abakuyivyiwa. Uwise nu mwana wache umulumendo bakwinjila mumulindu weka, umwakuti bakulisamula itabwa lyane izelu.

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Mika 2:1

Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.

Mika 7:2

Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Zekaliya 14:21

Po isonta yosi mu Yelusalemu ya mu Yuda yikwiza pakuba zelu kwa Mwene Uwamaka Ghosi, sona abantu bosi babo bakwiza pakubika ivyakwiyipa bakwiza pakusenda isonta zimo nukupiyilamo. Pisiku linilyo mutakwiza pakubamo yumo uwakughula nukughulizya mu Nyumba iya Mwene Uwamaka Ghosi.

Zekaliya 5:8

Uwantumi akati, “Yunuyu bo bubibi.” Sona akamusunkilizizya muchidudunga. Pisinda pache akakupikilapo.

Zekaliya 7:9

“U Mwene Uwamaka Ghosi akuti, ‘Wenelezye ukuti ubwanaloli bukubombiwa, ubapelelaye ichisa abantu sona mubanje nichililizi ku weka na weka.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Yohani 2:16

Po akabalamula babo bakaghulizyanga inkunda ukuti, “Muzifumye kuzi. Mutakayipelaye Inyumba iya Tata pakuba munalo.”

Yakobo 5:4

Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

1 Samuweli 12:3

Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”