Hoseya 12:6 - IBAYIBOLO 2024

⁶ Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Hoseya 12:6 Iomraidhean Croise

Ubwandilo 49:18

“U Mwene, nkulindilila ubupoki bwako.

Masalimo 123:2

Ukuyana namumo umuzya umulumendo amusubiye u mwene wache, sona ngati mumo umuzya umulindu amusubiye u mwene wache, umwakuyana bulo aswe tukumulindilila u Mwene u Chala witu, mupaka atupelele ichisa.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Ivyili 1:23

Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Yesaya 1:16

Musukusulaye munyobe zyinyu umwakuti muswepaye. Muzileke imbombo zyinyu imbibi pamaso papane, sona mutakabombaye ububibi.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 31:6

Mwee ba Izilayeli nyokela kukwache yuyo mumusamubukiye.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Yesaya 58:6

“Ukutuzya pakulya kuko nkulonda ko uku, Ukubasatula babo bapinyiwe nukwefya ivyakupinyila ikoli, nukubasatula babo bakuyiviwa, nukupyola ikoli lyosi.

Yesaya 8:17

Nkumulindilila u Mwene, yuyo akubafisa icheni chache abamunyumba iya Yakobo. Po nkwiza pakumusubila.

Yelemiya 22:15

“Nkimba ukwinong'ona ukuti, we mwene uwakubachila abamwinyu, pachifukwa ichakuti uzengeye inyumba yako na matabwa agha mwale? Nkimba ughuso atakaba ni chakulya sona ni chakung'wela? Akabomba chicho chikaba chigholosu sona ni chanaloli po vyosi vikamwendela akiza.

Ezekiyeli 18:30

“ ‘Polelo u Mwene Uwamaka Ghosi akuti: Nkwiza pakubalonga mwe ba Izilayeli, umuntu wesi ukuyana nimbombo zyache. Pinduka! Kuleke ukunanga kwinyu kosi, ukuti imbibi zyinyu zitakabamale.

Hoseya 10:12

Mwipeselaye mwebene ubugholosu umwakuti mwinulaye, lughano lulo lutakupotwapo nalumolumo. Puzannya amaghunda ghinyu, pakuti ko kabalilo akakumulondela u Mwene, mupaka u Mwene ize nukubapungulila ubugholosu.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Amosi 5:24

Loli buleke ubwanaloli bwendaye ngati lusoko, bope ubugholosu bwendaye ngati kasoko kako katakupwa nalumo.

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Zekaliya 1:3

Polelo babuzye abantu ukuti: U Mwene Uwamaka Ghosi ati, ‘Nyokela kukwane, po nane nkwiza pakunyokela kukwinyu.’ U Mwene Uwamaka Ghosi anena.

Zekaliya 7:9

“U Mwene Uwamaka Ghosi akuti, ‘Wenelezye ukuti ubwanaloli bukubombiwa, ubapelelaye ichisa abantu sona mubanje nichililizi ku weka na weka.

Zekaliya 8:16

Ivintu vivyo mubombaye vyo ivi: Umuntu wesi anenaye ubwanaloli kuwamwabo, sona mulongelaye inongwa mubwanaloli na mumutende,

Imbombo 2:38

U Pitala akababuzya akati, “Mwebosi mupinduke nukuzileka imbibi zyinyu nukoziwa mwitabwa ilya Yesu Kilisitu. Po u Chala akwiza pakubahobokela imbibi zyinyu, nukupokela ichabupi icha Muzimu Umuzelu.

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.