Hoseya 12:4 - IBAYIBOLO 2024

⁴ Akalwana nu wantumi nukumupota, akalila nukulaba ukuti amupelele ichisa. U Chala akakomana nawe pa Beteli po akanenezannya nawe palapala

Hoseya 12:4 Iomraidhean Croise

Ubwandilo 25:26

Pisinda pache umuzuna wache akapapiwa, bo inyobe yache yilemite ichitende icha Esabu, po bakamwita ukuti we Yakobo. Abana bala bakapapiwa, bo u Yisaki ali na maka 60.

Ubwandilo 32:24

U Yakobo akasyala mwene palapala. Umuntu yumo akiza nukutoba nawe busiku bosi mupaka kubuche.

Ubwandilo 32:25

Bo umuntu yula ennya ukuti atakumupota u Yakobo, akamukoma u Yakobo mumpingu iya mumusana, po ichinama chikavyughuka.

Ubwandilo 32:26

Umuntu yula akati, “Undekezye imbukaye pakuti kwanda pakucha.” Loli u Yakobo akamwamula akati, “Ntangakulekezya, pene papo wansaya.”

Ubwandilo 32:29

U Yakobo akamulalusya akati, “Nkimba po awe itabwa lyako wewenu.” Loli wepe umuntu yula akamulalusya u Yakobo akati, “Nkimba choni chicho ukulonda pakumanya itabwa lyane?” Po umuntu yula akamusaya.

Ubwandilo 35:15

Po u Yakobo akabwita ubuzilo bubo u Chala akanenagha nawe ukuti Beteli.

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Masalimo 66:6

Akayandula inyanja pakuba chisu ichumizu, umwakuti abantu bakaloboka ulusoko lula pakwenda pasi. Po palapala tukahoboka pachifukwa icha zizyo akabomba.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

1 Aba Tesalonika 4:17

Pisinda pache aswe twe tuchili twe bumi, sona twe twasyala, tukwiza pakubungana poka nabo mu mabingu pakukomana nu Mwene mumwanya. Po tukwiza pakuba nu Mwene bwila na bwila.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.