Hoseya 12:3 - IBAYIBOLO 2024

³ Bo ali mulwanda ulwa nyina, akachilema ichitende icha wamwabo, sona bo akula akalwana nu Chala.

Hoseya 12:3 Iomraidhean Croise

Ubwandilo 25:26

Pisinda pache umuzuna wache akapapiwa, bo inyobe yache yilemite ichitende icha Esabu, po bakamwita ukuti we Yakobo. Abana bala bakapapiwa, bo u Yisaki ali na maka 60.

2 Abamwene 17:18

U Mwene akabakalalila nkani aba Izilayeli umwakuti akabefyapo pamaso papache. Loli lwene uluko ulwa Yuda lo lulo lukasyala.

2 Abamwene 17:20

Polelo u Mwene akabakana aba Izilayeli bosi, sona akabafunda nukubabika munyobe izya bantu abakufyula ivintu mupaka akabefya bosi pamaso papache.

2 Abamwene 17:23

Pabumalilo u Mwene akabefyapo pamaso papache ukuyana namumo ababombi bache bosi abalaghuzi bakabasokela. Po aba Izilayeli bakalemiwa muchisu chabo nukubuka ku Asiliya pakuba bazya, kuko bachili bali kulakula mupaka nilelo bulo.

Yelemiya 2:9

Polelo u Mwene akuti, “Nkubapa inongwa, nkwiza pakubapa inongwa abanyenya binyu.

Ezekiyeli 7:3

Po ubumalilo bwafika papinyu, nkwiza pakupungulila ubukali bwane papinyu. Nkwiza pakubalonga ukuyana ni nkalo yinyu, nukubatanizya, pachifukwa icha inkalo yinyu iya mwiko yiyo mwabomba.

Ezekiyeli 7:8

Indi papipi pakupungulila ubukali bwane papinyu, sona nukubakalalila amwe Nkwiza pakubalonga, pachifukwa icha nkalo yinyu, sona ni mbombo zyinyu izya mwiko.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Hoseya 4:9

Po nkwiza pakubabombela abaputi ngati zizyo nkababombela abantu. Nkwiza pakubafunda bosi pachifukwa icha zizyo bakubomba, sona nkwiza pakubatanizya pachifukwa icha mbibi zyabo.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Mika 6:2

Mwee maghamba, ivwa ubulongi ubwa Mwene, teghelezya, mwee lwalo ulwa bwila na bwila ulwa chisu chosi ichapasi. Pakuti u Mwene abapiye inongwa abantu bache; akubasusya aba Izilayeli.

Aba Loma 9:11

Loli bo amapasa ghala ghachili pakupapiwa, sona bo ghatabombitepo nachimo ichiza pamo ichibibi, u Chala akabomba bunubu ukuti ukusaliwa ukwa muntu weka kubanje ukayana namumo kukabatilikiwa. Po akasalile kache katakima pambombo izya muntu, loli kakima pakuti umwene akamwitizya umuntu yulayula.