Hoseya 11:8 - IBAYIBOLO 2024

⁸ Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 11:8 Iomraidhean Croise

Ubwandilo 14:8

Po abamwene fayivi aba: U mwene wamu Sodomu nuwa mu Gomola nuwa mu Adima nuwa mu Zeboyimu nuwa mu Bela, bakababika poka abasilikali babo mwikombe ilya Sidimu pakulwa ubwite

2 Samuweli 24:16

Bo uwantumi agholosezya inyobe yache ukuti akanangannye akaya akakulu nkani aka Yelusalemu, u Mwene akaba ni chitima pachifukwa icha chiwaya chila, po akamubuzya uwantumi yuyo akabafundagha abantu akati, “Leka! Nyosya inyobe yako.” Pakabalilo kanako uwantumi uwa Mwene yula akaba pabuzilo ubwakukomelapo inyinulo ubwa Alawuna umu Yebusi.

1 Abamwene 3:26

Umukolo yuyo akaba we nyina uwa mwana umumi yula akaba ni chililizi nkani nu mwana wache, po akamubuzya u mwene akati, “Wee mwene, nalamba umupe uwamwitu umwana umumi uyu. Utakamughoghe!” Umukolo uyunji yula akati, “Awe, utakampe ane pamo uwamwitu umwana uyu. Loli umudumule bulo pakasi na pakasi!”

2 Abamwene 13:23

Loli u Mwene akabapelela ichisa aba Izilayeli, sona akabapasikizyanga nkani pachifukwa icha lufingo lulo akafingana nu Abulahamu nu Yisaki, sona nu Yakobo. Ichi cho chifukwa mupaka nilelo bulo atakulonda ukuti abanangannye pamo ukubefya pamaso papache.

2 Imbili 36:15

U Mwene, u Chala uwa banyenya babo, akabatumila amazyu ukwendela muntumi zyache, pachifukwa ichakuti akabapelela ichisa abantu bache sona ni Nyumba yache.

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Yesaya 16:11

Umoyo wane ghukumulilila u Mowabu ngati chinanda, umuzimu wane ghukumulilila u Kili Helesi.

Yesaya 63:15

Eee Mwene, ennya pasi ukufuma uko kumwanya, po wennye pachitengo icha bumwene ichizelu, sona icha buchindamu. Nkimba ulweke lwako, na maka ghako vili ko kwiyi? Fwandi ichisa ni chililizi chako vili ko kwiyi.

Yelemiya 18:8

po nanti uluko ulwa bantu lulo nalusoka lukupinduka nukubuleka ububibi bwache, po nane ntakwiza pakulunangannya ukuyana namumo nkinong'onelagha.

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Yelemiya 9:6

Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Yelemiya 9:7

Polelo u Mwene Uwamaka Ghosi akuti, “Ennya, nkwiza pakubasekesa nukubayela, pakuti chitalipo nachimochimo chicho ningababombela abantu bane, pachifukwa icha mbibi zyabo.

Nkuto 1:20

Wee Mwene nkuyimba nkani mumoyo. Mukasi mumwane muli ubwite, sona navulala nkani mumoyo pakuti ne muntu wakusambuka. Mope mumisebo abantu baghoghiwa na bapanga, sona ubufwe bwene buli mo munyumba yane.

Nkuto 3:32

Napapo angabisizya abantu intamyo, loli akubanga ni chililizi, pakuti ulughano lwache lulo lutakupotwangapo nalumolumo lukulu nkani.

Nkuto 3:33

Pakuti chitakumuhobosya pakubisizya abantu amayimba pamo ukumuyivya umuntu wesi, awe.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 6:9

Po inko zizyo mwasendiwako pakuba bazya babo bapona bakwiza pakunkumbuka, namumo najimbiye pakwiputa kwabo ukwabumyasi, vivyo vyabapela pakunsambukila sona amaso ghabo ghabapela pakuvinyonywa ivifwani. Po bakwiza pakuchibenga ichinyonywa chabo, pachifukwa icha vintu ivyamwiko vivyo bambomba.

Hoseya 6:4

Mwe ba Efulayimu, nkimba imbombe namwe choni? Wee Yuda, nkimba imbombe ichoni namwe? Ulughano lwako luli ngati we kabefu uwa pandabindabi, ngati yo nganda iya kubuche yiyo yikuzyebeluka bulo.

Hoseya 7:1

Bo nkuti imbapozye abantu bane aba Izilayeli, zyope imbibi izya Efulayimu zikaboneka pabuzelu, imbombo imbibi izya Samaliya zikavumbuliwa. Abantu bakubomba bo buzimbuli bwene, abiba bakupankula inyumba izya bantu, sona amavyondongo ghakwiba muminalo.

Amosi 4:11

“Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Amosi 7:6

Po u Mwene akabwisya ubukali bwache nukuti, “Zinizi zitakwiza pakubombiwa sona.” U Mwene Uwamaka Ghosi anena.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Zefaniya 2:9

Polelo, ane ne Mwene Uwamaka Ghosi u Chala umumi uwa Izilayeli nkulapa nkuti, ‘Naloliloli ichisu icha Mowabu chikwiza pakuba ngati cha Sodomu, sona bope aba Amoni bakwiza pakuba ngati chisu icha Gomola. Vikwiza pakuba vibanka ivya mbeya ni visami bwila na bwila. Abantu bane abakusyalako bakwiza pakuchifyula ichisu chabo, abakupona aba inko yane bakwiza pakupyana ichisu chabo.’ ” U Mwene anena.

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Ukukumbusya Amalamulo 29:22

Inkulilo zyinyu zyosi izya muntazi, sona na bayeni abakufuma muvyisu ivya kubutali nkani, bakwiza pakuvyennya ivighune nintamyo zizyo u Mwene abawisizizye.

Ukukumbusya Amalamulo 29:23

Umuvundo ghukwiza pakumalamo mumaghunda ghinyu, sona ulufumbi lwene ni mbeya nu sulufule vikwiza pakuba posi na posi muchisu chinyu. Mumaghunda ghinyu mutakwiza pakumelamo nachimochimo ichimelwa manyi lisote manyi amakwi. Ichisu chinyu chikwiza pakuyana bulo nakaya aka Sodomu naka Gomola naka Adima naka Zeboyimu tuto u Mwene akatunangannya pachifukwa icha bukali bwache.

Ukukumbusya Amalamulo 32:36

U Mwene akwiza pakubalonga abantu bache. Akwiza pakubapelela ichisa ababombi bache bo ennya ukuti amaka ghabo ghamala, sona nukuti atalipo nayumoyumo umuntu uwakusyala, manyi muzya, pamo musatuke.

2 Pitala 2:6

U Chala akatufunda utwaya utwa Sodomu nu Gomola pakutuzimizya numoto, umwakuti chibanje chifwanikizyo icha vintu vivyo vikwiza pakubabonekela abantu babo batakumunyila u Chala.

Yuda 1:7

Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

Ubuvumbuli 11:8

Imivimba yabo yikwiza pakulambalala mumisebo iya kaya akakulu nkani kako u Mwene wabo akakomeliwamo pachipinjika. Akaya akakulu nkani kala itabwa lyache umwachili bulo we Sodomu, pamo mu Ijiputi.

Ubuvumbuli 18:18

Bo balyennya ilyosi ilya moto ghugho ghukumulungulizya, bakakolomoka nkani bakati, ‘Kataliko sona akaya akanji kako kayanite nakaya akakulu nkani aka!’

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.