Hoseya 11:6 - IBAYIBOLO 2024

⁶ Ubwite bukwiza pakunangannya utwaya twabo utukulu nkani, bukwiza pakunangannya sona impingwi izya nyiyi, nukumazya imbatiko zyabo zyosi.

Hoseya 11:6 Iomraidhean Croise

Masalimo 106:39

Bakinyazya bene pazizyo bakabomba, bakalowa pachifukwa icha mbombo zilazila.

Masalimo 106:43

Napapo utubalilo utwinji akabapokagha, pope bulo bakamusambukila, umwakuti bakwiza pakuyimba pachifukwa icha mbibi zyabo.

Yesaya 18:5

Bo inyinulo yichili, ukulama ukwa bwezya kukumala, ubwezya bukuba mampesya amatonu, akwiza pakudumula utusamba ni sengo iya kupaluntila, nukudumulako isamba izyakulemba.

Yesaya 27:10

Akaya akakulu nkani akamalinga kaba chisami, kaba kaya akakulekiwa, sona kasuliwe ngati nkolongo, kulakula ingwata zikulyelako, zikughona nukulya isamba zyache.

Yesaya 30:1

U Mwene akuti, “Chighune ku bantu babo basambuke, abantu babo bakubatika ivintu vivyo te vyane, po bakufinga ulufingo lulo lute lwa Muzimu wane awe, bakulundika imbibi pa mbibi.

Yesaya 9:14

Po u Mwene akaghudumulako umutu nu musinda uwa ba Izilayeli, nutusamba utwa mabale ni ntete mwisiku lyoka.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Yelemiya 50:35

“Nizite nu bwite pachisu icha Babiloni, napa bantu babo bakwikala mulamula, sona napa makambala napa bantu abamahala! Ane ne Mwene nanena.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Ezekiyeli 20:47

Ghubuzye umusitu uwa kuntende ukuti, ‘Ivwa amazyu agha Mwene. U Mwene Uwamaka Ghosi akuti: Indi papipi pakukocha numoto, sona ghukwiza pakughalungulizya amakwi ghosi amabisi na mumizu. Indimi izya moto ghula zitakwiza pakuzimiwa, umuntu wesi ukwanda kumitu mupaka kuntende akwiza pakubabuka.

Hoseya 10:14

Po ichongo icha bwite chikwiza pakwivwika, pakasi pabantu binyu, umwakuti amalinga ghinyu ghosi ghakwiza pakumongonkana, Ngati mumo abantu aba mu Shalimani bakachinanganizizya, ichisu icha Beti Alibeli pisiku ilya bwite, pakabalilo kako bakabavuluvuzya abamayi pasi poka na bana babo.

Hoseya 10:6

Ichifwani chila chikwiza pakusendiwa nukubuka nacho ku Asiliya, ukuti chibanje chabupi kwa mwene umukulu. Aba Efulayimu bakwiza pakusamuliwa aba Izilayeli bope bakwiza pakuba ni soni, pachifukwa icha kwivwila amahala ghabo.

Hoseya 13:16

Abantu aba mu Samaliya bafundiwanje pachifukwa icha bubibi bwabo, pakuti bamusambukiye u Chala wabo. Abantu banaba bakwiza pakughoghiwa nupanga, bope abana babo bakwiza pakubabamizya pasi, po abachi babo abalwanda bakwiza pakubazepula.

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Hoseya 4:17

Abantu aba muchisu icha Efulayimu bimamatizizye bene kuvifwani, baleke bulo!

Aba Levi 26:25

Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Mika 5:11

Nkwiza pakutunangannya utwaya twinyu utwa chisu chinyu, nukughamongolannya amalinga ghinyu ghosi.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.

Ukukumbusya Amalamulo 32:25

Abantu bakwiza pakufwa nubwite mumisebo, sona bakwiza pakufwa nubogha munyumba zyabo. Abalumendo na balindu bakwiza pakufwa, bope ababonda na baghosi bakwiza pakufwa.