Hoseya 11:2 - IBAYIBOLO 2024

² Napapo nkamwitizya u Izilayeli akinji bulo, loli akepaghako nkani kukwane. Bakabika ivyakwiyipa kwa Baala, sona bakafukizya utwakununkila ku vifwani.

Hoseya 11:2 Iomraidhean Croise

1 Abamwene 12:33

Pisiku ilya 15 ilya mwezi uwa eyiti ghugho akaghusala, u Yelobowamu akabika ivyakwiyipa pachighemo chicho akachizenga mu Beteli. Po akalamula ukuti aba Izilayeli babanje nu lusekelo, sona akabuka pakubika ivyakwiyipa pachighemo palapala.

1 Abamwene 18:19

Losi ulu ubitizye aba Izilayeli bosi ukuti bize pakukomana nane pighamba ilya Kalimeli. Wize na balaghuzi 450 aba Baala, sona na balaghuzi 400 aba Ashela, babo bakulya poka nu Yezibeli pitebulo lyache.”

Nehemiya 9:30

Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Yesaya 65:7

pachifukwa icha mbibi zyabo ni mbibi izya banyenya babo.” U Mwene anena. “Pakuti abene bakocha ivyakwiyipa patughamba nukunyazya ane patughamba, nkwiza pakubatanizya, pachifukwa icha mbombo zizyo bakabombagha.”

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 35:13

“U Mwene Uwamaka Ghosi, u Chala uwa ba Izilayeli akuti: Buka mubabuzye abantu aba mu Yuda sona na babo bakwikala mu Yelusalemu ukuti, ‘Nkimba mutakumanyilapo amahala nukughivwila amazyu ghane?

Yelemiya 44:5

Loli batakivwa pamo ukuteghelezya napo panandi. Batakalondagha pakubuleka ububibi bwabo pamo pakubika ivyakwiyipa ku bachala abanji.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 4:13

Bakubika ivyakwiyipa vyabo pamwanya pamaghamba, nukocha ivyakwiyipa mutughamba muntende mumakwi agha mupandapanda, pachifukwa ichakuti ghali na kazundila akiza. Polelo abana binyu abalindu bakubomba ubwamalaya, bope abalasagha binyu bakulowa.

Hoseya 4:17

Abantu aba muchisu icha Efulayimu bimamatizizye bene kuvifwani, baleke bulo!

Zekaliya 1:4

Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Zekaliya 7:11

“Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.

Luka 13:34

“Wee Yelusalemu, wee Yelusalemu! Ukughogha abalaghuzi nukubatiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Yohani 3:19

Iyi yo nongwa iya kubalongela: Ulukozyo lwizite muchisu ichapasi, loli abantu bachighanite nkani ichisi ukuchila ulukozyo pakuti imbombo zyabo mbibi.

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Abalongi 10:6

Aba Izilayeli bakamunangila sona u Mwene, pakamuchindika u Baala nu Ashitoleti na bachala aba ba Siliya na bachala aba ba Sidoni na bachala aba ba Mowabu na bachala aba ba Amoni sona na bachala aba ba Filisiti. Aba Izilayeli bakamukana u Mwene nukuleka pakumubombela.

Abalongi 2:13

pachifukwa ichakuti bakamukana u Mwene nukwanda pakumubombela u Baala nu Ashitoleti.

Abalongi 3:7

Aba Izilayeli bakabomba ivintu ivibibi vivyo vitakamuhobosya u Mwene. Bakamuluvya u Mwene u Chala wabo pakumubombela u Baala nu Ashela.