Hoseya 11:11 - IBAYIBOLO 2024

¹¹ Bakwiza bakutetema ngati viyuni vya muchisu icha Ijiputi, sona ngati nkunda izya muchisu icha Asiliya. Po u Mwene akuti, “Nkwiza pakubabwezya mutwaya twabo.”

Hoseya 11:11 Iomraidhean Croise

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 60:8

Nkimba bo bawenu babo bakubuluka ngati mabingu, sona ngati nkunda muvivumbo vyache?

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Ezekiyeli 34:27

Amakwi agha munkolongo ghakwiza pakwela ivikomwa, sona amaghunda ghakwiza pakupa ivikomwa, bo nabasatula abantu bane bakwiza pakwikalagha umwakufwasa muchisu chabo. Po bakwiza pakumanya ukuti ane ne Mwene, sona nukubapoka munyobe izya babo bakababika mubuzya.

Ezekiyeli 34:28

Inko zitakwiza pakubafyula ivintu vyabo, sona ivinyamana ivya muzi vitakwiza pakubaghogha nukubalya. Bakwiza pakwikalagha umwakufwasa, sona atalipo nayumoyumo umuntu uwakuboghofya.

Ezekiyeli 37:21

po ubabuzye uti, ‘U Mwene Uwamaka Ghosi akuti: Nkwiza pakubefyapo aba Izilayeli pakasi pa inko kuko bakabuka. Nkwiza pakubabungannya pakufuma mu nkuto zyosi folo nukwiza nabo muchisu ichabo ni chabo.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Obadiya 1:17

Loli pighamba ilya Ziyoni bakwiza pakwikalapo abapokiwa, sona abaluko ulwa Yakobo bakwiza pakuba nichilingo ichabo.

Zekaliya 10:10

Nkwiza pakubefyamo muchisu icha Ijiputi nukubwela nabo. Nkwiza pakubabungannya ukufuma nabo ku Asiliya, nukufika nabo ku Giliyadi nu Lebanoni, patakwiza pakubapo ubuzilo ubwakubakwana.

Zekaliya 8:7

U Mwene Uwamaka Ghosi akuti, “Nkwiza pakubapoka abantu bane aba kuvyisu ivyakubufumilo bwizuba sona naba kubwinjililo bwizuba.

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”