Hoseya 11:1 - IBAYIBOLO 2024

¹ Pakabalilo kako u Izilayeli akaba mwana munandi, nkamughana nkani, po nkamwitizya umwana wane umulumendo, ukuti epemo mu Ijiputi.

Hoseya 11:1 Iomraidhean Croise

Masalimo 129:1

U Izilayeli anenaye atinji, Abalwani bane banjivya nkani ukwanda ko kubulumendo bwane.

Ukufuma 19:4

Amwe mwebene muvyenizye vivyo nkababombela aba Ijiputi, sona namumo nkabanyamulila nukwiza namwe kukwane ngati mumo izwanga likunyamulila abana bache pavipapande.

Ukufuma 4:22

Po umubuzye u Falabo uti, ‘Ane ne Mwene nkuti u Izilayeli we mwana wane umulumendo ukatote.

Ukufuma 4:23

Losi ulu nkukulamula ukuti umwitikizye umwana wane ukuti abukaye, umwakuti anganyiputa, loli ukumukanizya pakubuka. Po nkwiza pakumughogha umwana wako umulumendo ukatote.’ ”

Yesaya 43:4

Pakuti we wamutengo nkani, sona we muchindikiwa pamaso ghane, sona pakuti nkughanite, nkwiza pakukupa abantu ukutanana nubumi bwako.

Yelemiya 12:7

“Imbalekite aba Izilayeli, imbakanite abampyana yane, Nababika abaghaniwa bane munyobe izya balwani babo.

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Ezekiyeli 16:22

Po mubunyazu bwako bosi nu bwamalaya bwako utakaghakumbuka amasiku ghako agha kubulumendo, bo uli nkule umusita kuvwala po ukughalaghata mwibanda lyako.’ ”

Ezekiyeli 16:6

“ ‘Po nkadumusannya papipi nawe nkakwennya bo uli pakughalaghata mwibanda lyako, bo ulambalaye mwibanda lyako nkakubuzya ukuti, “Ubanje mumi!”

Hoseya 10:15

Mwee bantu aba mu Beteli, ivintu vinivi vikwiza pakubawila, pachifukwa icha bubibi bwinyu ubukulu nkani. Kubuche u mwene wamu Izilayeli akwiza pakughoghiwa.

Hoseya 12:13

U Mwene akabefya aba Izilayeli muchisu icha Ijiputi, pakubabombezya abalaghuzi, akabasungilila akiza nkani.

Hoseya 12:9

Ane ne Mwene u Chala winyu, yuyo akabefya muchisu icha Ijiputi. Nkwiza pakubapela ukuti mwikalaye muvisakasa, ukuyana namumo mukabombelagha pa Lusekelo lwa Visakasa.

Hoseya 13:4

Loli ane ne Mwene u Chala winyu, yuyo akabefya muchisu icha Ijiputi. Mutakabamanye aba Chala abanji loli ane ne mwene, sona ataliko Umupoki uyunji loli ane ne mwene.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Malaki 1:2

U Mwene akubabuzya abantu bache akuti, “Nabaghana nkani.” Loli mukundalusya mukuti, “Nkimba utughanite bulibuli?” U Mwene akwamula akuti, “Nkimba u Esabu nu Yakobo batakaba banamuntu? Imughanite u Yakobo,

Matayi 2:15

kuko akikala mupaka u Helodi akafwa. Izi zikabombiwa pakukwanilisya zizyo u Mwene akanenela mu mulaghuzi ukuti, “Nkamwitizya Umwana wane umulumendo ukuti epemo mu Ijiputi.”

Ukukumbusya Amalamulo 33:3

Naloli u Mwene abaghanite abantu bache, sona abantu bako bosi bali munyobe zyache. Po bakufughama munyayo zyache, sona bakupokela ivimanyisyo vyache.

Ukukumbusya Amalamulo 7:7

U Mwene atakabaghana sona atakabasala pachifukwa ichakuti mukaba binji ukubachila abantu abanji bosi, awe. Amwe mukaba luko ulunandi nkani pakasi pabantu bosi aba muchisu ichapasi.