Hoseya 10:5 - IBAYIBOLO 2024

⁵ Abantu babo bakwikala mu Samaliya bakuchinyila ichifwani icha ngwata icha mu Beti Aveni. Abantu bache bakwiza pakuchilila, abaputi bache bakwiza bakuchilila, pachifukwa icha buchindamu bwache. Pakuti chasendiwa, nukubuka kuchisu icha buzya.

Hoseya 10:5 Iomraidhean Croise

2 Abamwene 10:29

Loli u Yehu atakazileka imbibi zizyo u mwene u Yelobowamu umwana uwa Nebati akabombagha nukubapela aba Izilayeli ukuti bope banangaye pakwiputa ivifwani ivya golide ivya ngwata, vivyo vikaba mu Beteli, na mu Dani.

2 Abamwene 17:16

Bakaghakana amalamulo ghosi agha Mwene u Chala wabo nukwipangila bene ivifwani ivya ngwata, ni chifwani icha Ashela. Bakazyiputa intondwa, sona bakamuchindika u Baala.

2 Abamwene 23:5

U Yosiya akabefyapo pambombo abaputi bosi abakuzi babo abamwene aba mu Yuda bakabimika ukuti babikaye ivyakwiyipa ivyakocha pavighemo mutwaya utukulu nkani utwa Yuda, sona nu buzilo bosi ubwa papipi nakaya akakulu nkani aka Yelusalemu, kokuti abaputi bosi babo bakabika ivyakwiyipa kwa Baala na kwizuba na kumwezi na kuntondwa zyosi izyakumwanya.

2 Imbili 11:15

Po akabasala abaputi abache na bache nukubabika mubuzilo ubwakwiputilapo ubwapamwanya sona nukuti bavyiputaye ivifwani ivya mbuzi nivya ngwata vivyo akapanga.

2 Imbili 13:8

“Loli ilelo mukulonda pakubusambukila ubumwene ubwa Mwene, bubo buli munyobe izya baluko ulwa Devedi. Naloli amwe muli na basilikali abinji nkani sona muli ni vifwani ivya ngwata ivya golide, vivyo u Yelobowamu akapanga, umwakuti babanje bo bachala binyu.

Yesaya 46:2

Vikukotama nukufughamila poka, vitakwipoka kwa katundu, vitabaghiye pakwipoka vyene, loli ivyene vyinjila mubukayidi.

Hoseya 13:2

Bachili bakunanga bulo, bakwipangila bene ivifwani ivya siliva, ivifwani vivyo vikupangiwa akiza nkani, vyosi vinivi bo bafundi babo pakuvipanga. Abantu bakubanena ukuti, “Bakubika ivyakwiyipa ku vifwani ivya ngwata vinivi nukuvifyofyonta.”

Hoseya 4:15

“Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Hoseya 9:1

Mwee ba Izilayeli mutakahobokaye, mutakasekelaye ngati mumo zikubombela inko izinji. Pakuti mutakaba mwe basubiliwa kwa Chala winyu, mughaghanite amalipilo agha bamalaya, pabuzilo ubwa kukomelapo inyinulo.

Hoseya 9:11

Ubuchindamu ubwa Efulayimu bukwiza pakubuluka ngati chiyuni, batakwiza pakupapa, bope abachi babo batakwiza pakuba, nulwanda sona batakwiza pakumelagha ulwanda.

Amosi 3:14

Pisiku lilyo nkwiza pakubafundila aba Izilayeli pachifukwa icha mbibi zyabo. Nkwiza pakuvimongolannya ivighemo mu Beteli, impembe izya vighemo zikwiza pakudumuliwa sona zikwiza pakuwa pasi.

Zefaniya 1:4

“Nkwiza pakubafunda abantu aba muchisu icha Yuda, sona na bosi babo bakwikala mu Yelusalemu. Nkwiza pakubazimizya pabuzilo ubu aba Baala bosi abakusyala, sona nkwiza pakughazimya amatabwa agha bantu, sona na baputi babo bakuchiputa ichifwani icha Baala.

Imbombo 19:27

Pali ubupalapala ubwakuti ubughulizi bwitu ubu bukwiza pakuba ni mbili imbibi. Chite cho chinichi chene, loli pali ubupalapala sona ubunji ubwakuti inyumba iyakwiputilamo iya Alitemi, u chala witu mukulu yitakwiza pakuba ni mbombo, sona nukuti ubukulu ubwa chala witu umukolo u Alitemi bukwiza pakunanganika—yuyo abantu bosi aba Asiya ni chisu chosi ichapasi bakumwiputa!”

Yoshwa 7:2

U Yoshwa bo ali mu Yeliko akabatuma abantu bamo ukubuka kukaya akakulu nkani aka Ayi kako kali papipi nakaya aka Beti Aveni, kubufumilo bwizuba ubwa Beteli, po akabalamula akati, “Bukagha mukatendele akaya aka Ayi.” Po abantu bakabuka nukukatendela akaya aka Ayi kala.

Abalongi 18:24

U Mika akabamula akati, “Mwanyibila abachala bane, babo nkipangila nemwene, poka nu muputi wane nukubuka. Nkimba nasyalapo ni choni? Po mukundalusya bulibuli ukuti, ‘Nkimba choni chatamya?’ ”