Hoseya 10:4 - IBAYIBOLO 2024

⁴ Bakulayizya pakubomba ivintu ivyinji nkani, bakulapa ivilapo ivyabumyasi, sona bakunena amazyu ghagho ghate ni mbombo, bo bakulapa ivilapo. Polelo ubulongi bwabo bukumela ngati lisote ibibi.

Hoseya 10:4 Iomraidhean Croise

Yesaya 5:7

Umughunda uwa mampesya uwa Mwene Uwamaka Ghosi we Izilayeli, abantu aba mu Yuda vyo vibyalwa vyane vivyo nkuhoboka navyo. Akasubilagha ukuti babombaye ubwanaloli, loli akennyanga ibanda, akasubilagha ubugholosu, loli akivwanga ukulila ukwakuyiviwa kwene.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 6:7

Balunangannya ulufingo, ngati mumo akabombelagha u Adamu, umwakuti batakaba basubiliwa kukwane.

Amosi 5:7

Mwabwandula ubwanaloli pakuba bubavu, nukubusumbila ubugholosu palufumbi.

Amosi 6:12

Nkimba ifalasi zikuchimbila mumabwe? Nkimba umuntu angalima mulamula ni nkambaku? Loli ubwanaloli mwabupela pakuba chimelwa ichakughogha, vyope ivikomwa ivya bugholosu mwavipela pakuba vyakubaba,

Imbombo 8:23

Pakuti nkwennya ukuti wizuye nukubaba ukwa kanyongo, sona we muzya uwa mbibi.”

Aba Loma 1:31

bapunganu, abasita ulwitiko, abasita ulughano, sona abasita ichisa.

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.

Ukukumbusya Amalamulo 31:16

U Mwene akamubuzya u Mozesi akati, “Uli papipi pakufwa, loli bo wafwa abantu banaba bakwiza pakulunangannya ulufingo lulo nkafingana nabo. Bakwiza pakubadepukila abachala abanji nukubiputa muchisu chicho bakubuka pakwikalamo.

Ukukumbusya Amalamulo 31:17

Po bunubu ane nkwiza pakubakalalila nukubaleka, sona nkwiza pakubanangannya. Nkwiza pakubawisizya intamyo na mayimba aminji nkani umwakuti pisiku lilalila bakwiza pakulalusya ukuti, ‘Nkimba intamyo zitakutuwila pachifukwa ichakuti u Chala witu, ate poka naswe?’

2 Timoti 3:3

Bakwiza pakuba basita lughano, na basita luhobokelo, na biyebo, na bavyongo, na bakoghofya, sona na balubengo pavintu ivyiza.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.