Hoseya 10:2 - IBAYIBOLO 2024

² Amoyo ghabo mazimbuli, po bafundiwanje pachifukwa icha mbibi zyabo. U Mwene akwiza pakuvimongolannya ivighemo vyabo, nukuvinangannya ivikumbusyo vyabo ivya mabwe amapaghuliwa.

Hoseya 10:2 Iomraidhean Croise

1 Abamwene 18:21

U Eliya akimilila pantazi pabantu bala nukubalalusya ukuti, “Nkimba mukwiza pakwilamwa mupaka liyi? Nanti u Mwene we Chala, mumubombelaye. Loli nanti u Baala we Chala, mumubombelaye.” Abantu bala batakamulapo nachimochimo.

Ukufuma 23:24

Mutakabafughamililaye abachala babo pamo pakubiputa, sona mutakeghelelaye inkalo zyabo. Loli mubanangannye abachala babo nukumongolonnya impanda zyabo izya mabwe amazelu.

Ivyili 11:18

Umuntu umubibi akuzimbuliwanga bwila na bwila, loli yuyo akupesa ubugholosu akupokelagha umuvwalo uwenecho.

Yesaya 44:18

Batachimenye nachimochimo, sona batakwivwisya nachimochimo, amaso ghabo ghighaliliwe, po batangennya, inyinong'ono zyabo zighaliliwe, umwakuti batangivwisya.

Yelemiya 43:13

Akwiza pakuzimongolannya impanda izyakumwiputilamo uchala uwa izuba mu Ijiputi, sona akwiza pakuzyochannya inyumba izyakwiputilamo abachala aba ku Ijiputi.’ ”

Ezekiyeli 14:5

Nkwiza pakubomba bunubu umwakuti inganyosye amoyo agha bantu aba Izilayeli, babo banchimbiye pachifukwa icha kwiputa ivifwani vyabo.’

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 13:16

Abantu aba mu Samaliya bafundiwanje pachifukwa icha bubibi bwabo, pakuti bamusambukiye u Chala wabo. Abantu banaba bakwiza pakughoghiwa nupanga, bope abana babo bakwiza pakubabamizya pasi, po abachi babo abalwanda bakwiza pakubazepula.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Hoseya 7:8

Aba Efulayimu bakwiyongannya na bantu aba inko izinji, sona bali ngati chitumbuwa ichipapate chicho chipiye ulubazu loka bulo.

Aba Levi 26:30

Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.

Mika 5:13

Nkwiza pakuvinangannya ivifwani vyinyu, sona na mabwe ghinyu amazelu agha vikumbusyo pakasi papinyu. Po mutakwiza pakuvifughamilila sona, ivintu vivyo muvipangite ni nyobe zyinyu.

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Luka 16:13

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.”

Yakobo 1:8

Pakuti umwene ali na moyo mabili, yuyo ali mumwanyamwanya bulo pavintu vyosi vivyo akubomba.

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

1 Yohani 2:15

Mutakachighanaye ichisu ichapasi, pamo ichintu chosi chicho cha muchisu ichapasi. Nanti muchighanite ichisu ichapasi, kokuti mutamughanite u Tata.

1 Samuweli 5:4

Loli indabi yache pandabindabi, bo balamusya bakagha ichifwani chila chighuye sona ubukupama pantazi pi Bokosi ilya Lufingo ilya Mwene. Pakabalilo kanaka umutu ni nyobe zyache vikadumuka nukuwila pamulyango. Ichimubili chache chene cho chicho chikasyalikila.