Hoseya 10:12 - IBAYIBOLO 2024

¹² Mwipeselaye mwebene ubugholosu umwakuti mwinulaye, lughano lulo lutakupotwapo nalumolumo. Puzannya amaghunda ghinyu, pakuti ko kabalilo akakumulondela u Mwene, mupaka u Mwene ize nukubapungulila ubugholosu.

Hoseya 10:12 Iomraidhean Croise

Masalimo 105:4

Mumulondaye u Mwene namaka ghache, sona mubanje pamaso papache akabalilo kosi.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Ivyili 11:18

Umuntu umubibi akuzimbuliwanga bwila na bwila, loli yuyo akupesa ubugholosu akupokelagha umuvwalo uwenecho.

Ivyili 18:21

Ululumi luli na maka pakubupoka ubumi, pamo pakubughogha, sona babo balughanite bakwiza pakulya ivikomwa vyache.

Umulumbilili 11:6

Pesa imbeyu zyako pandabindabi, sona pachamabwila utakalepekaye inyobe. Pakuti utayimenye yiyo yingakula akiza, pamo yo iyi pamo yo yila, pamo zyosi zikwiza pakukula akiza bulo.

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Yesaya 32:20

loli mwe basayiwa mwe mukubyala imbeyu zyinyu mulubazu ulwa tusoko tosi, sona mukuzileka ing'ombe zyinyu ni mpunda ukuti zilyanje bulo.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 45:8

Nkwiza pakutuma ubupoti ukufuma kumwanya, bukwiza pakutima ngati vula. Ichisu chikwiza pakwighuka, nukupokela ubupoki, umwakuti ubugholosu bukule, ne Mwene nkazipela izi.”

Yesaya 48:18

Nanti mukaghivwilagha amalamulo ghane, po umutende winyu ngali ghukaba ngati lusoko, sona ubugholosu bwinyu, ngali bukubanga ngati mayigha agha panyanja.

Yesaya 5:6

Nkwiza pakughuleka ukuti ghubanje nkolongo. Ntakwiza pakughupalanta pamo ukulimamo, sona mukwiza pakumela abantolovu na mivwa. Nkwiza pakughalamula amabingu ukuti ghatakatimizyanje ivula.”

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yesaya 55:6

Mulondelezye u Mwene pakabalilo kako angaghiwa, mumwitizye bo ali papipi.

Yelemiya 50:4

U Mwene akuti, “Mumasiku ghalaghala sona pakabalilo kalakala, abantu aba mu Izilayeli poka naba mu Yuda bakwiza pakulilagha bo bakumulondelezya u Mwene u Chala wabo.

Ezekiyeli 34:26

Nkwiza pakubasaya abantu bane poka nu buzilo bubo buzyunguliye akaghamba kane. Nkwiza pakutuma ivula pakabalilo kache, po yikwiza pakuba vula iya lusayo.

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Hoseya 8:7

“Aba Izilayeli bakapesa impepo, nukwinula ukankungu. Amapelele ghatakwela nachimochimo, ghatakwiza pakubapa ubusu. Nanti ghakelagha abayeni ngali bakalya ichakulya.

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Amosi 5:4

U Mwene akubabuzya aba Izilayeli akuti, “Mundondelezye, po mukwiza pakuba nubumi.

Amosi 5:6

Mumulondelezye u Mwene, po mukwiza pakuba nubumi, lumo akwiza pakubazimizya, aba inko izya Yosefu ngati moto, ghukwiza pakubalungulizya abantu aba mu Beteli, po atalipo nayumoyumo umuntu uwakughuzimya.

Amosi 5:8

U Mwene akapela intondwa nukuzibika mubuzilo bwache, sona akachipela ichisi pakuba ndabindabi, akaghupela umusanya pakuba busiku, weyuyo mwene akughitizya amizi agha munyanja, nukughapungulila pachisu, itabwa lyache we Mwene.

Luka 13:24

“Yezya nkani pakwinjila pamulyango umufinye. Pakuti abantu abinji bakwiza pakuyezya nkani pakwinjilapo, loli bakwiza pakupotwa.

Imbombo 2:18

Pakabalilo kalakala nkwiza pakupungulila Umuzimu wane, pa bambombo bane abanavuli na bakolo bulo, nukulaghula amazyu ghane.

2 Aba Kolinti 9:10

U Chala yuyo akumupa umuntu yuyo akupesa imbeyu, sona ni chibama ichakuti alyanje, akwiza pakubapa imbeyu zizyo mukulonda nukuzikuzya imbeyu zila. Akwiza pakubalizya ivikomwa ivya chisa chinyu.

Yakobo 3:18

Abantu abamutende babo bakapesa umutende, bakwiza pakwinula ivikomwa ivya bugholosu.