Hoseya 10:11 - IBAYIBOLO 2024

¹¹ U Efulayimu ali ngati mpampali yiyo yimanyiziwe, yiyo yighanite pakukoma ingano. Nkwiza pakumuvwika ikoli pasingo yache iyakuboneka akiza nukumubombezya imbombo inkafu nkani. U Efulayimu akwiza pakuwesa ijembe, u Yuda akwiza pakulima, sona u Yakobo apuzannyanje.

Hoseya 10:11 Iomraidhean Croise

Yesaya 28:24

Umuntu yuyo akulima umughunda ukuti abyale, nkimba akwendelelagha bulo pakulima? Nkimba akwendelelagha bulo pakudibula nukupuzannya?

Yelemiya 28:14

U Mwene Uwamaka Ghosi, u Chala uwa Izilayeli akuti, ‘Nkwiza pakubika ikoli ilya chela musingo izya inko zyosi zinizi ukuti zimubombelaye u Nebukadineza u mwene uwa ku Babiloni sona zikwiza pakumubombela. Sona namupa ubulaghili napa vinyamana ivya muzi.’ ”

Yelemiya 46:20

“Ichisu icha Ijiputi mpampali iyakuboneka akiza nkani loli amasasi agha kumitu ghakwiza pakuyiluma impampali yila.

Yelemiya 50:11

U Mwene akuti, “Mwee ba Babiloni, mukusekela sona muhobokite. Amwe mwe mukusendelapo ulusako pachilingo chane, munganyelanyela umwakuhoboka, ngati mpampali yiyo yikukoma ingano, napapo mungalila ngati yo falasi inyanavuli,

Hoseya 11:4

Nkabalongozya ni chisa sona nu lughano, ni chisa chilachila nkanyamula ikoli musingo zyabo, po nkafughama pakubalyesya.

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 3:1

U Mwene akambuzya akati, “Bukagha ughanane sona nu mukolo yula napapo ali nu mwanavuli uyunji, sona nukuti umukolo yunuyu we malaya. Umughanaye ngati mumo u Mwene abaghaniye aba Izilayeli, napapo abantu banaba bakubiputa abachala abanji, sona nukuti abaghanite nkani pakubika ichakwiyipa icha ivitumbuwa ivipapate ivya mampesya.”

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Hoseya 9:1

Mwee ba Izilayeli mutakahobokaye, mutakasekelaye ngati mumo zikubombela inko izinji. Pakuti mutakaba mwe basubiliwa kwa Chala winyu, mughaghanite amalipilo agha bamalaya, pabuzilo ubwa kukomelapo inyinulo.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Ukukumbusya Amalamulo 25:4

Mutakayipinyaye ing'ombe kumulomo, bo yikukoma amalezi.