Hoseya 10:10 - IBAYIBOLO 2024

¹⁰ Nanti nighana nkwiza pakubapa amafundwe abantu aba inko izinji bakwiza pakubunganila. Nukubapinya ni mpingu, pachifukwa icha mbibi zibili.

Hoseya 10:10 Iomraidhean Croise

1 Abamwene 12:28

Bo mwene yula abuzikizya, akapanga ivifwani ivya ngwata vibili ivya golide. Po akababuzya abantu akati, “Mwee ba Izilayeli, mwabukagha ku Yelusalemu pakwiputa akabalilo akatali nkani. Ilelo abachala binyu bo aba, babo bakabefya mu Ijiputi!”

Yobu 39:10

Nkimba ugayipinya nu lukusa, nukuyipela pakuba yakulima mumakombe kwisinda kwako?

Yesaya 1:24

Polelo u Mwene Uwamaka Ghosi, Uwamaka uwa ba Izilayeli akuti, “Mwee, nkwiza pakupungulila ubukali bwane pababo bakulwana nane sona nkwiza pakubatanizya abalwani bane.

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 21:4

‘U Mwene u Chala uwa Izilayeli akuti: Ivilwilo ivya bwite vivyo muvilemite vikwiza pakubanyokela, ivilwilo vivyo mukulwila nu mwene uwa Babiloni nababwite bache, babo bakazyunguliye akaya kinyu bimiliye kuzi ukwa malinga ghinyu. Nkwiza pakubabungannya abasilikali babo mukaya akakulu nkani aka.

Ezekiyeli 16:37

po nkwiza pakubabungannya abaghaniwa bako bosi, babo ukabomba nabo ivibibi, babo ukabaghana sona na babo ukababenga. Nkwiza pakubabungannya ukwanda kunkuto zyosi, nkwiza pakukuvula pamaka pamaso papabo, po bakwiza pakwennya inkule yako.

Ezekiyeli 16:42

Po ubukali bwane papinyu bukwiza pakutozoka sona ubuzuba bwane bukwiza pakumala, nkwiza pakupuma bulo, ntakwiza pakukalalapo sona.

Ezekiyeli 23:46

“U Mwene Uwamaka Ghosi akuti: Chitizye ichilundilo icha bantu ukuti chibasusye pakuboghofya nukubafyula ukatundu.

Ezekiyeli 23:9

“Polelo nkamubika munyobe izya baghaniwa bache, aba Asiliya babo akabikilako umoyo wache.

Ezekiyeli 5:13

“Po ukukalala kwane kukwiza pakuleka sona ubukali bwane bukwiza pakutozoka, bakwiza pakubatanizya. Po nanti nabakalalila, bakwiza pakumanya ukuti ane ne Mwene nanena na kabini.

Hoseya 10:9

Wee Izilayeli, ukananga ukwandila pakabalilo aka Gibeya, sona wendelela pakunanga. Po nkimba ubwite butakabanangannya ababomba mbibi mu Gibeya?

Hoseya 4:19

Ukankungu akwiza pakubapupuzya, po ivyakwiyipa vyabo vikwiza pakubakozya isoni.

Hoseya 4:9

Po nkwiza pakubabombela abaputi ngati zizyo nkababombela abantu. Nkwiza pakubafunda bosi pachifukwa icha zizyo bakubomba, sona nkwiza pakubatanizya pachifukwa icha mbibi zyabo.

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Hoseya 8:10

Napapo bakalipila indalama pakasi pa inko izinji, nkwiza pakubabungannya poka. Po bakwiza pakuba badedebazu nkani pachifukwa icha kuyiviwa nu mwene wamaka uwamu Asiliya.

Matayi 22:7

U mwene yula akakalala nkani, po akatuma abasilikali bache ababwite pakughogha abaghoghi bala nukocha akaya kabo.

Ukukumbusya Amalamulo 28:63

Ukuyana namumo chikamuhobosezya u Mwene pakubapela ukuti ivintu vibendelaye akiza, sona nukuti mubanje mwe binji nkani, po chikwiza pakumuhobosya u Mwene pakubanangannya nukubazimizya. Akwiza pakubanyunkulamo muchisu chicho mukubuka pakwikalamo.