Hoseya 10:1 - IBAYIBOLO 2024

¹ Aba Izilayeli bakaba ngati lo lutabo ulwa mampesya, lulo lukwela ivikomwa vyache. Bo ivikomwa vyache vikubala, bope bakazenga ivighemo ivyinji nkani. Bo ivintu vyabo vikubendela akiza muchisu, bope bakavighana nkani ivikumbusyo ivya mabwe amapaghuliwa.

Hoseya 10:1 Iomraidhean Croise

1 Abamwene 14:23

Bakizengela ubuzilo ubwapamwanya ubwakwiputilapo ivifwani pighamba, na mabwe amapaghuliwa, sona ni vifwani ivya Ashela pamwanya pighamba lyosi, sona na muntende mumakwi ghagho ghavwinkite akiza.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 2:28

Po nkimba abachala babo mukipangila mwebene bali ko kwiyi? Baleke bize nanti bangabapoka bo muli muntamyo! Pakuti awe, we Yuda, uli nabachala abinji nkani ngati mumo ubeleye nutwaya utukulu.

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Hoseya 13:15

Napapo aba Efulayimu bangahoboka nkani ngati lutete. Impepo iya Mwene iyakubufumilo ubwizuba, iyikufuma munkolongo, imbwibwi niviziba vikwiza pakukamuka, ivibombelo vyache vyosi ivya mutengo vikwiza pakufyuliwa.

Hoseya 13:2

Bachili bakunanga bulo, bakwipangila bene ivifwani ivya siliva, ivifwani vivyo vikupangiwa akiza nkani, vyosi vinivi bo bafundi babo pakuvipanga. Abantu bakubanena ukuti, “Bakubika ivyakwiyipa ku vifwani ivya ngwata vinivi nukuvifyofyonta.”

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 2:10

Po nkwiza pakuyibika pabuzelu inkule yache, pamaso pa baghaniwa bache. Atalipo nayumoyumo umuntu yuyo akwiza pakumupoka munyobe zyane.

Hoseya 2:8

Atakazimanya ukuti nkaba nene, ne nkamupa ingano, nu vinyo, sona na mafuta. Atakazimanya ukuti nkaba nene nkamupa usiliva umwinji nu golide, yuyo bakabombezya pakumwiputa u chala wabo u Baala.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Hoseya 4:7

Bo abaputi bakonjelela ubwinji, momumo bakanangila nane bulo. Bakughulizannya ubuchindamu ubwa Chala ni vintu ivikozya soni.

Hoseya 8:11

“Napapo u Efulayimu akazenga ivighemo ivyinji nkani, pachifukwa icha chakwiyipa icha mbibi, Vinivi vyaba vighemo ivyakunangilapo.

Hoseya 8:4

Aba Izilayeli bakwiyimikila bene abamwene bo batambuzikizizye, sona bakwisalila amakambala bo ntabitikizizye. Nu siliva sona nu golide wabo bakwipangila bene ivifwani, vivyo vikwiza pakubanangannya.

Aba Levi 26:1

“Mutakipangilaye ivifwani, pamo ukwiyimikila Ivikumbusyo ivya mabwe, sona mutakibizilaye ivifwani ivya mabwe muchisu chinyu nukuvyiputa. Ane ne Mwene u Chala winyu.

Nahumu 2:2

U Mwene akwiza pakumunyosezya u Yakobo ubuchindamu bwache ngati bo buchindamu ubwa Izilayeli, napapo abalwani bamupela pakuba chisami, sona baghanangannya amampesya ghache.

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.

Aba Filipi 2:21

Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.