Hoseya 1:11 - IBAYIBOLO 2024

¹¹ Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Hoseya 1:11 Iomraidhean Croise

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Yelemiya 30:21

Bakwiza pakuba nu mulongozi uwabo nu wabo, umulaghili wabo akwiza pakufuma mukasi mumwabo. Nkwiza pakumwitikizya ukuti ize papipi nane. Nkimba wewenu yuyo angaba mujivu ukuti apalamile kukwane?

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Yelemiya 50:19

Loli nkwiza pakumunyosezya u Izilayeli pabuzilo bwache ubwakudimapo, po akwiza pakulyanga ku Kalimeli naku Bashani. Akwiza pakwikuta mutughamba utwa Efulayimu nu twa Giliyadi.’

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Hoseya 2:1

“Po ubabuzye abawamwinyu ukuti, ‘Mwe bantu bane, sona ubabuzye abayemba bako ukuti indi nichililizi namwe.’ ”

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Aba Loma 11:15

Nanti abantu aba muchisu ichapasi bakasayana nu Chala pachifukwa ichakuti akabakana aba Yuda, nkimba kukwiza pakuba bulibuli bo bakupokeliwa sona? Kukwiza pakuba ngati bo bantu abafwe, babo bazyuka kubufwe.