Hoseya 1:10 - IBAYIBOLO 2024

¹⁰ “Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Hoseya 1:10 Iomraidhean Croise

Ubwandilo 13:16

Nkwiza pakukupa abaluko abinji nkani umwakuti atalipo nayumoyumo yuyo angababelenga. Nanti umuntu angabelenga ulufumbi ulwa muchisu ichapasi, kokuti angababelenga abaluko lwako.

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 32:12

Kumbuka, ukandayizya ukati, ‘Nkwiza pakukupela ukuti ivintu vikwendelaye akiza nukukupa abaluko abinji nkani ngati musesenga uwa mulubazu ulwa nyanja.’ ”

2 Samuweli 7:24

Wabikazya abantu bako aba Izilayeli pakuba bako na bako bwila na bwila, po awe we Mwene waba we Chala wabo.

Yesaya 43:6

Nkwiza pakunena kuchisu icha kumitu ukuti, ‘Balekezye!’ sona kuchisu ichakuntende ukuti, ‘Utakabakanizyanje.’ Zagha na bana bane abalumendo ukufuma kubutali, nabana bane abalindu ukufuma kubumalilo ubwa chisu.

Yesaya 48:19

Abaluko lwinyu bakwiza pakuba binji ngati musesenga, sona abana binyu batakwiza pakubelengiwa, itabwa lyabo litakwiza pakwefiwa, pamo ukunanganika pamaso papane.”

Yesaya 63:16

Loli awe we Tata witu, napapo u Abulahamu atakatumanya, pamo aba Izilayeli pakutwitika, Wee Mwene we Tata witu, we mutabuli witu ukwanda bulo kale lyo litabwa lyako.

Yesaya 64:8

Wee Mwene naloli we Tata witu. Twe litope, awe we mumati, twebosi twe mbombo izya nyobe yako.

Yesaya 65:1

U Mwene akuti, “Nkivumbula ku babo batakandaba, nkaghiwa nababo batakandondagha. Ku luko lulo lutakanyiputa nkati, ‘Ane indi pano, ane indi pano.’

Yesaya 66:20

Sona bakwiza pakubizila na bawamwinyu bosi, ku inko zyosi, kwi ghamba lyane izelu mu Yelusalemu pakuba chakwiyipa kwa Mwene pafalasi, pangolo izya chela, pampunda sona na pangamila.” U Mwene anena. “Bakwiza nabo, ngati mumo aba Izilayeli bakwizila ni chakwiyipa chabo icha busu, ku Nyumba iya Mwene bo banyamuliye muvibombelo vivyo viswefiwe.

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Hoseya 1:9

Po u Mwene akati, “Umwite ukuti we Lo Ami, pakuti te mwe bantu bane, sona ane inte ne Chala winyu.

Hoseya 2:23

Nkwiza pakubikazikizya aba Izilayeli muchisu chane, nkwiza pakuba nichililizi na bantu babo kale intakabaghana.” Abantu babo batakitiziwa ukuti, “Mute mwe bantu bane.” Nkwiza pakubitizya ukuti, “Amwe mwe bantu abane.” Bakwiza pakunena ukuti, “Awe we Chala witu.”

Yohani 1:12

Loli abantu bosi babo bakamupokela nukumusubila, akabapa ubulaghili pakuba bana aba Chala.

Aba Loma 8:19

Ivipeliwa vyosi amaso ghabo ghali kuzila pakulindilila ukuti u Chala abavumbule abana bache.

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

Aba Hebeli 11:12

Po mwa Abulahamu, umuntu weka uyu yuyo akaba ngati afuye, mukapapiwa abaluko abinji nkani ngati zyo ntondwa izya kumwanya, sona na basita ukubelengiwa ngati gho musesenga uwa mulubazu ulwa nyanja.