Hagayi 1:4 - IBAYIBOLO 2024

⁴ “Mwee bantu bane, nkimba choni chicho mukwikala munyumba zizyo zizengiwe akiza nkani, bo Inyumba yane yaba chisami?”

Hagayi 1:4 Iomraidhean Croise

2 Samuweli 7:2

Po akamubuzya umulaghuzi u Natani akati, “Ane nkwikala munyumba iya bumwene, yiyo yizengiwe na makwi agha mwale, loli Ibokosi ilya Lufingo ilya Chala lili muchisakasa.”

2 Abamwene 5:26

Loli u Elisha akamulalusya akati, “Fwandi utazimenye ukuti umuzimu wane ghukaba nawe bo umuntu yula akwika mungolo pakukomana nawe? Nkimba aka ko kabalilo akakupokela indalama pamo amenda na maghunda agha misyunguti na maghunda agha mampesya ni ng'ozi ni ng'ombe pamo abambombo abanavuli pamo abakolo?

Masalimo 102:14

Pakuti ababombi bako baghaghanite amabwe agha akaya akakulu nkani kala, bakukapelela ichisa napapo kaba chisami.

Masalimo 74:7

Bakabocha ubuzilo bwako ubuzelu, babuwisizye pasi ubuzilo bwako nukubunyazya.

Umulumbilili 3:3

Pali akabalilo akakughoghela na kabalilo akakupozezya. Pali akabalilo akakumongolannya na kabalilo akakuzengela.

Yelemiya 22:14

Akuti, ‘Nkwiza pakwizengela nemwene inyumba inkulu iya bumwene.’ Po akubikamo ivipinda ivikulu, nkwiza pakubikamo amabwindo amakulu, nukukomamo amatabwa agha mwale, nukughalabannya nibanya ichesamu.

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 26:6

po nkwiza pakuyipela inyumba iyi iyakwiputilamo pakuba ngati buzilo ubwa Shilo, sona nkwiza pakukapela akaya akakulu nkani aka pakuba chighune pakasi panko izya pachisu ichapasi.’ ”

Yelemiya 33:10

“Umu momumo u Mwene akunenela: Mukubunena ubuzilo bunubu mukuti chisami sona abantu batalimo vyope ni vinyamana vitalimo. Loli pope bulo utwaya utukulu utwa mu Yuda ni misebo iya mu Yelusalemu vili vyene bulo, mukwiza pakwivwika

Yelemiya 33:12

“Umu momumo u Mwene Uwamaka Ghosi akunenela: Mubuzilo bunubu bubo mukuti chisami sona ubusita bantu ni vinyamana, mutwaya utukulu tosi mukwiza pakuba ichakulya icha badimi icha kulyesezya ing'ozi zyabo.

Yelemiya 52:13

Akocha Inyumba iya Mwene ni nyumba iya bumwene sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

Nkuto 2:7

U Mwene achisulannya ichighemo chache, sona abukana ubuzilo bwache ubuzelu. Avibika munyobe izya balwani, ivibumba ivya nyumba zyache izya bumwene. Ichongo chikivwika mu Nyumba iya Mwene, nkaninkani pisiku ilya lusekelo.

Nkuto 4:1

Mwee, ugolide yula anyalite nkani, ugolide umwenecho yula ananganikite. Amabwe aghamutengo ghala agha mu Nyumba iya Chala yanyampana, kunkuto zyosi izya mumisebo.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Aba Levi 19:25

Loli mumwaka uwafayivi mungalya ivikomwa vyache, ukuti ivikomwa vila vyele nkani. Ane ne Mwene u Chala winyu.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Hagayi 1:3

Po u Mwene akanenela mumulaghuzi u Hagayi amazyu aghakuti,

Hagayi 1:5

Ilelo u Mwene Uwamaka Ghosi akuti, “Muchebaye nkani ni zila zyinyu.

Hagayi 1:9

“Mwalindilila inyinulo inyinji nkani, loli mwinula panandi bulo. Bo mwabwela ni nyinulo yinyu, nkayiputa ni mpepo.” U Mwene Uwamaka Ghosi akubalalusya akuti, “Nkimba choni chicho nkabomba bunubu? Pachifukwa ichakuti Inyumba yane yaba chisami, bo umuntu wesi ikolezanizye pakuzenga inyumba yache.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Aba Filipi 2:21

Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.