Hagayi 1:12 - IBAYIBOLO 2024

¹² Po u Zelubabeli umwana uwa Sheyalitiyeli nu Yoshwa umwana uwa Yehozadaki, yuyo akaba muputi usongo, sona na bantu bosi abakusyalako bakamwivwilagha u Mwene u Chala wabo, sona na mazyu agha mulaghuzi u Hagayi, pachifukwa ichakuti u Mwene u Chala wabo weyuyo akamutuma. Po abantu bakamuchindika u Mwene.

Hagayi 1:12 Iomraidhean Croise

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Ezila 10:18

Abanavuli babo bakaba na bachi abayeni bakaba bo aba: Pakasi pa baluko ulwa Yeshuwa umwana uwa Yozadaki, na bawamwabo pakabapo: U Maseya nu Eliyezeli nu Yalibu nu Gedaliya.

Ezila 5:2

Po u Zelubabeli umwana uwa Sheyalitiyeli nu Yeshuwa umwana uwa Yozadaki bakabuka ku Yelusalemu pakuzenga sona Inyumba iya Chala. Bope abalaghuzi aba Chala bakaba poka nabo nukubavwa.

Masalimo 112:1

Mumupalaye u Mwene. Musayiwa umuntu yuyo akumuchindika u Mwene, yuyo akuhoboka nkani pakughakonka amalamulo ghache.

Ivyili 1:7

Ukumunyila u Mwene bo bwandilo ubwa mahala, loli abapunganu bakughasulannya amahala na mafundwe.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Yesaya 1:19

Nanti mukulonda nukunyivwila, mukwiza pakulya ivyiza ivya muchisu ichi.

Yesaya 50:10

Nkimba wewenu pakasi papinyu akumunyila u Mwene nukughivwila amazyu agha mubombi wache? Muleka yuyo akwenda muchisi, yuyo ate nulukozyo, akusubila itabwa ilya Mwene, sona amusubiye u Chala wache.

Hagayi 1:1

Mumwaka uwabubili bo u mwene u Daliyasi akulaghila, pisiku ilyakwanda ilya mwezi uwasikisi, u Mwene akanenela mumulaghuzi u Hagayi ukwendela mwa Zelubabeli umwana uwa Sheyalitiyeli, yuyo akaba mulaghili muchisu icha Yuda, sona nu muputi usongo u Yoshwa umwana uwa Yehozadaki.

Hagayi 1:14

Po u Mwene akaghunyamusya umuzimu uwa Zelubabeli umwana uwa Sheyalitiyeli, yuyo akaba mulaghili uwa chisu icha Yuda, sona nu muzimu uwa Yoshwa, umwana uwa Yehozadaki, yuyo akaba muputi usongo nu muzimu uwa bantu bosi abakusyalako. Bakiza nukwanda pakuzenga Inyumba iya Mwene Uwamaka Ghosi, u Chala wabo,

Hagayi 2:2

“Umubuzye u Zelubabeli, umwana uwa Sheyalitiyeli, umulaghili uwa chisu icha Yuda nu Yoshwa umwana uwa Yehozadaki, umuputi usongo sona na bantu bosi abakusyalako uti,

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Ukukumbusya Amalamulo 31:12

Ubitizye abanavuli bosi na bakolo bosi na bana bos, sona na bayeni bosi babo bakwikala mutwaya twinyu, umwakuti umuntu wesi angiyivwila mwene nukumunyila u Mwene u Chala winyu, sona nukughakonka amalamulo ghosi ghanagha.

Ukukumbusya Amalamulo 31:13

Bunubu abanyenya binyu babo bativuyepo nalumo amalamulo agha Mwene u Chala winyu, bivwe nukumunyila, bo muli nubumi muchisu chicho mukubuka pakwikalamo kwisila ilya Yolodani.”

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

Aba Hebeli 12:28

Pakuti twapokela ubumwene bubo butanganeng'ena, po zagha tumupalizye u Chala nukumwiputa pakulanjizya umuchizi nubogha.