Hagayi 1:11 - IBAYIBOLO 2024

¹¹ Niza nululanga pachisu pamaghunda na pamaghamba pa ngano napa pamaghunda agha mampesya pamakwi agha misyunguti sona napa vintu vyosi vivyo ichisu chikumezya napa bantu napa ng'ombe sona ni mbombo zyabo zyosi.”

Hagayi 1:11 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

2 Abamwene 8:1

U Elisha akamubuzya umukolo yuyo umwana wache akamuzyusya kubufwe akati, “Nyamuka ubukaye poka na bamunyumba yako, mwikale kosi kuko mungikala, pakuti u Mwene awisya izala muchisu chinichi amaka seveni.”

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Nkuto 1:21

“Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Amosi 5:8

U Mwene akapela intondwa nukuzibika mubuzilo bwache, sona akachipela ichisi pakuba ndabindabi, akaghupela umusanya pakuba busiku, weyuyo mwene akughitizya amizi agha munyanja, nukughapungulila pachisu, itabwa lyache we Mwene.

Amosi 7:4

Izi zyo zizyo u Mwene Uwamaka Ghosi akandanjizya: Akitizya indimi izya moto ukuti abafunde abantu, po zikalungulizya inyanja inkulu nkani nukunangannya amaghunda ghosi pachisu ichapasi.

Amosi 9:6

U Mwene akuzenga inyumba izya bumwene kumwanya, sona akwala ulwalo pachisu ichapasi, akughitizya amizi agha munyanja sona akughapungulila pachisu, itabwa lyache we Mwene.

Hagayi 2:17

Nkanangannya vyosi vivyo mukabyalagha ni chiwaya icha chibabu ni chuku sona na mabwe agha vula, loli pope bulo mutakapinduka.’ U Mwene anena.

Hagayi 2:19

Nkimba zyasyalamo imbeyu zimo muntamba mula? Mupaka nilelo amampesya na makuyu na manyele sona na makwi agha misyunguti ghatelitepo ivikomwa? “ ‘Ukwanda ilelo mupaka muntazi, nkwiza pakubasaya.’ ”

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Malaki 3:9

Naloliloli webosi mwaghuniwa mweba luko losi, pakuti mukunyibila.

Ukukumbusya Amalamulo 28:22

U Mwene akwiza pakubafunda nu bubine ubwakukombezannya na mapumba ni zegema. Akwiza pakubawisizya ubupye ubukulu nkani nu lulanga ni mpepo, sona ni chuku mupaka mwebosi muzimile.