Daniyeli 9:7 - IBAYIBOLO 2024

⁷ “Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Daniyeli 9:7 Iomraidhean Croise

Ezila 9:13

“Ivintu vivyo vyatuwila cho chifukwa icha mbibi nu bubibi bwitu ubukulu nkani. Loli wee Chala witu, watufunda panandi bulo ukuchila namumo zibeleye imbibi zyitu sona witikizya ukuti abantu bitu bamo basyaleko bumi.

Ezila 9:15

Wee Mwene, u Chala uwa Izilayeli, we mugholusu. Watwitikizya ukuti ilelo tusyale bumi. Ennya tuli pamaso papako aswe twe bantu ababibi, napapo nayumoyumo pakasi papitu angimilila pamaso papako.”

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Masalimo 119:137

Wee Mwene, we mugholosu, ghope amalamulo ghako magholosu.

Masalimo 44:15

Isiku lyosi nkusamuliwa, sona icheni chane chope chili ni soni.

Masalimo 51:14

Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 45:16

Bosi babo bakuyannya abachala aba vifwani, bakwiza pakukoziwa isoni nukusamuliwa poka.

Yelemiya 12:1

Wee Mwene umugholosu, nalondagha pakususannya nawe. Nkimba choni chicho ababibi bakwendelelagha pakuba bakabi? Nkimba choni chicho ivintu vikubendelagha akiza abazimbuli?

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 32:32

Abantu aba mu Izilayeli naba mu Yuda bankalalizizye nkani ni mbibi zyabo zizyo babombite poka na bamwene babo, na makambala ghabo na baputi babo sona na balaghuzi babo, abantu aba mu Yuda naba mu Yelusalemu.

Yelemiya 33:16

Mumasiku ghalaghala ichisu icha Yuda chikwiza pakupokiwa, sona u Yelusalemu akwiza pakwikalagha umwakufwasa. Akwiza pakwitiziwa ni tabwa ilyakuti: U Mwene we Bugholosu bwitu.

Yelemiya 4:17

Bamuzyungulila u Yelusalemu ngati balindilili aba mumughunda, pachifukwa ichakuti abantu bansambukiye.’ Ane ne Mwene nanena.

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Ezekiyeli 16:63

Ukumbuke nukuba nisoni umwakuti utakighulaye sona umulomo wako, pachifukwa icha kusamuliwa kwako, bo nkukuhobokela zyosi zizyo wabomba, u Mwene Uwamaka Ghosi anena.’ ”

Ezekiyeli 36:31

Po mukwiza pakukumbuka izila zyinyu imbibi nimbombo zyinyu imbibi, sona mukwiza pakuba nisoni pachifukwa icha mbibi zyinyu nivya bunyazu vivyo mukabomba

Ezekiyeli 5:10

Pakasi papinyu abapapi bakwiza pakubalya abana babo, sona abana bakwiza pakubalya abapapi babo. Nkwiza pakubafunda amwe, nukubanyampannya abakusyalikila kosi na kosi.”

Ezekiyeli 6:12

Umuntu yuyo ali kubutali akwiza pakufwa ni chiwaya, sona umuntu wesi yuyo ali papipi akwiza pakufwila kubwite, umuntu wesi yuyo aponite sona mumi akwiza pakufwa nizala. Po ubukali bwane bukwiza pakuwila papabo.

Daniyeli 9:14

U Mwene atakazyelapo pakutuwisizya intamyo, pakuti u Mwene u Chala witu we mugholosu muvintu vyosi vivyo akubomba, loli pope bulo tutakamwivwila.

Daniyeli 9:18

Wee Chala, tegha ikutu lyako nukwivwa. Ighula amaso ghako nukwennya ukunanganika ukwa kaya kako kumanyikwe ni Tabwa lyako. Tutakukulambilizya pachifukwa ichakuti twebagholosu awe, loli pachifukwa icha chisa chako ichikulu nkani.

Daniyeli 9:8

Wee Mwene, aswe poka na bamwene bitu, na balaghili bitu, sona na banyenya bitu bosi tuli ni soni pachifukwa ichakuti twakunangila nkani.

Amosi 9:9

“Pakuti nkwiza pakulamula sona nkwiza pakubaneng'ennya aba Izilayeli, pakasi pa inko zyosi, ngati malezi musefa katakwiza pakubapo nakamokamo akakuwila pitope.

Aba Loma 6:21

Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene!

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.