Daniyeli 9:4 - IBAYIBOLO 2024

⁴ Nkiputa kwa Mwene u Chala wane nukwilata imbibi zyane nkati, “Wee Mwene, we Chala umukulu sona nu wakuswighisya, ukukwanilisya ulufingo lwako nukubaghana abantu babo bakughanite nukughakonka amalamulo ghako.

Daniyeli 9:4 Iomraidhean Croise

1 Abamwene 8:23

“Wee Mwene u Chala uwa ba Izilayeli, ataliko u Chala uyunji kumwanya pamo pachisu ichapasi yuyo ayanite nawe. Pakuti awe ukusunga ulufingo lulo ukafingana na babombi bako babo bakuzikonka indaghilo zyako na moyo ghabo ghosi.

2 Imbili 7:14

po nanti abantu bane babo bakwitiziwa ni tabwa lyane, biyisya bene nukwiputa pakubomba vivyo vikunhobosya sona nanti bakuzileka imbibi zyabo, ane nkwiza pakubivwa kumwanya nukubahobokela imbibi zyabo sona nkwiza pakuchipoka ichisu chabo.

Ezila 10:1

Bo Ezila ali pakwiputa nukwilata imbibi, sona bo akulila nukwisumba pasi pantazi pa Nyumba iya Chala, ichilundilo ichikulu nkani icha ba Izilayeli, kokuti abanavuli na bakolo na bana chikabungana umwakumuzyungulila bo bakulila nkani.

Nehemiya 1:5

Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Masalimo 32:5

Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Ukufuma 20:6

“Loli imbaghanite abantu amasabuzani agha nkulilo izya bantu babo banganite nukughakonka amalamulo ghane.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

Ukukumbusya Amalamulo 5:10

Loli imbaghanite abantu amasabuzani agha nkulilo izya bantu, babo banganite nukughakonka amalamulo ghane.

Ukukumbusya Amalamulo 7:12

Nanti mukughakonka amalamulo ghosi ghanagha na moyo ghinyu ghosi, u Mwene u Chala winyu akwiza pakulusunga ulufingo ulwakulanjizya ulughano lwache lulo akafingana namwe, ukuyana namumo akalapila na banyenya binyu.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?