Daniyeli 9:27 - IBAYIBOLO 2024

²⁷ Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Daniyeli 9:27 Iomraidhean Croise

Yesaya 28:15

Mukwituvya mukuti, “Aswe twafinga ulufingo nubufwe, sona twivwana nipumpa, Bo ulufundo ulwakoghofya lukwenda, lutakatupalamasyanje, pakuti twabupela umbumyasi pakuba chakuponelamo, sona bope ubuzimbuli pakuba chakuvwamilamo.”

Yesaya 28:22

Leka ukobezya kwinyu, pamo iminyololo yinyu yikwiza pakubafyenya u Mwene u Mwene Uwamaka Ghosi ambuzya nizya ukunanganika ukwa chisu chosi ichapasi.

Yesaya 42:6

Ane, ne Mwene, nakwitizya mubugholosu, nkwiza pakukulema panyobe. Nkwiza pakukusungilila, pakuba lufingo ku bantu, sona pakuba lukozyo ku inko izinji,

Yesaya 53:11

Bo ghachilapo amayimba ghache, akwiza pakwennya ulukozyo ulwa bumi nukwikutiziwa. Mubumanyi bwache umubombi wane umugholosu akwiza pakubanena abantu abinji ukuti bagholosu, po akwiza pakuzinyamula imbibi zyabo.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yelemiya 7:30

“ ‘Abantu aba mu Yuda babomba ububibi pamaso papane. Babika ivifwani vyabo ivinyazu munyumba iyi yiyo yikumanyikwa ni tabwa lyane, sona bayinyazya.

Daniyeli 11:31

“Abasilikali bache bamo bakwiza pakubunyazya ubuzilo ubwa malinga agha mu Nyumba iya Chala sona bakwiza pakumazya ivyakwiyipa ivya isiku ni siku. Po kulakula akwiza pakubikako ichintu ichinyazu, chicho chikupela ukunanganika.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 12:11

“Ukwanda pakabalilo kako ivyakwiyipa ivya isiku ni siku vikumalila sona ukwanda pakabalilo kako ichintu ichibibi ichakunangannya chikwimikiliwa, pakwiza ukubapo amasiku 1,290.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 8:13

Po nkivwa uwantumi akumulalusya uwantumi uyunji akuti, “Nkimba ichisetuka chako chikwiza pakukwanilisiwa liyi? Nkimba ichinyazu ichakunangannya chinichi chikwiza pakupyanilaghapo liyi pachakwiyipa icha isiku ni siku? Nkimba abasilikali sona naba Mubuzilo Ubuzelu bakwiza pakukanyankiliwa mupaka liyi?”

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Ukubelengiwa 7:62

Akabika sona ibeseni lyoka ilya golide ilyakung'wama amagalamu 110, inyizule nu twakufukizya utwakununkila,

Matayi 24:15

“Mukwiza pakwennya ‘Ichinyazu Ichipalapala’ chicho chikunangannya, chicho umulaghuzi u Daniyeli akanena. Chikwiza pakwimilila mu Buzilo Ubuzelu.” (Umuntu yuyo akubelenga, ivwisye.)

Matayi 26:28

Pakuti ili libanda lyane ilyakusimikizya ulufingo ulwa Chala, lilyo lyatonya ukuti abantu abinji bahobokeliwe imbibi zyabo.

Matayi 27:51

Panapo na panapo umwenda uwakuzighila mu Nyumba iya Chala ghukazepuka pakasi ukwandila pamwanya mupaka muntende. Kukaba akasenyenta pachisu ichapasi, sona amabwe ghakalepunkana.

Maliko 13:14

“Mukwiza pakwennya Ichinyazu Ichipalapala, chicho chikunangannya chimiliye pabuzilo bubo chitabaghiye.” (Umuntu yuyo akubelenga, ivwisye.) “Po babo bali mu Yudeya bachimbililaye mumaghamba.”

Luka 21:20

“Nanti mukwennya u Yelusalemu azyunguliliwe na balwani, muzimanye ukuti ali papipi pakumongoliwa.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Aba Loma 11:26

Umu momumo aba Izilayeli bosi bakwiza pakupokeliwa. Pakuti Amasimbo ghakuti, “Umupoki akwiza pakufuma mu Ziyoni nu kwefya imbibi zyosi izya baluko ulwa Yakobo.

Aba Loma 5:15

Loli babili banaba batayanite, pakuti ichabupi ichabulo icha Chala chitayanite nukunanga ukwa Adamu. Momumo ukuti abantu abinji bakafwa pachifukwa icha kunanga ukwa muntu weka yula. Loli ichisa icha Chala chikulu nkani, sona ni chabupi ichabulo icha bantu abinji ukwendela muchisa icha muntu weka, u Yesu Kilisitu.

Aba Loma 5:19

Pakuti ukuyana namumo abantu abinji bakabila bambibi pachifukwa ichakusita kwivwila ukwa muntu weka, umwakuyana bulo, abantu abinji bakwiza pakuneniwa ukuti bagholosu pamaso pa Chala pachifukwa icha kwivwila ukwa muntu weka.

Aba Hebeli 9:28

Umwakuyana bulo, u Kilisitu wepe akabikiwa lyoka bulo ukuti chibanje chakwiyipa ukwefya imbibi izya bantu abinji. Akwiza pakuboneka akabubili, pate pakwefya imbibi pene, awe, loli ukuti abapoke abantu babo bakumulindilila.