Daniyeli 9:26 - IBAYIBOLO 2024

²⁶ Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Daniyeli 9:26 Iomraidhean Croise

2 Samuweli 21:5

Aba Gibeyoni bala bakamwamula u mwene bakati, “U Sabuli akalondagha pakutughogha, sona akabatika pakutuzimizya twebosi muchisu chosi icha Izilayeli.

Masalimo 22:15

Amaka ghane ghumiye ngati lwinga, lope ululimi lwane lukakatiye ku njegho zyane. Wandambalizizye mulufumbi ukuti infwilaye mulamula.

Yesaya 28:2

Ennya, u Mwene ali nawe yumo yuyo ali na maka nkani. Ali ngati vula iya mabwe ni mpepo iya kunangannya, ali ngati vula yiyo yikutima bulo, sona na mizi aghakwizula ghagho ghakubukizya vyosi.

Yesaya 28:22

Leka ukobezya kwinyu, pamo iminyololo yinyu yikwiza pakubafyenya u Mwene u Mwene Uwamaka Ghosi ambuzya nizya ukunanganika ukwa chisu chosi ichapasi.

Yesaya 53:8

Ukusamuliwa kwache kutakamuvighilila nukumulongela. Nkimba wewenu yuyo akinong'onelako na chicho akayimbilagha? Pakuti akefiwamo muchisu icha bumi. Akakomiwa pachifukwa icha bubibi ubwa bantu bane.

Yesaya 8:7

polelo u Mwene akwiza namizi papabo, amizi aghakwizula aghamaka agha lusoko, we mwene uwa chisu icha Asiliya nu buchindamu bwache bosi. Lukwiza pakusata muzila zyache zyosi, nukuloboka mulubazu lwache losi

Yelemiya 46:7

“Nkimba wewenu yunuyo yuyo akwimilila ngati lo lusoko ulwa Nayilo, ngati zyo soko izya kwizula?

Yelemiya 51:42

Inyanja yizula nukufika pamwanya pa Babiloni sona kakupikiliwa na mayigha ghache.

Daniyeli 11:10

Umwana uwa mwene uwa kumitu akwiza pakwiyannya pakulwa ubwite nukwibunganikila abasilikali abinji nkani, babo bakwiza ngati ko kwizula ukwa mizi mupaka nukulizyungulila ilinga ilya mwene.

Daniyeli 11:17

Akwiza pakulonda nkani pakubupota ubumwene ubwa kuntende. Akwiza pakupanga ubumanyani nu mwene uwa kuchigaba icha kuntende. Akwiza pakumupa umwana umulindu pakuba muchi wache, loli imbatiko zyache zitakwiza pakumwendela.

Daniyeli 11:22

Akwiza pakubamala abasilikali pamaso papache poka ni kambala ilya lufingo.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Hoseya 1:9

Po u Mwene akati, “Umwite ukuti we Lo Ami, pakuti te mwe bantu bane, sona ane inte ne Chala winyu.

Amosi 8:8

Nkimba ichisu chitakwiza pakutetema pachifukwa icha chinichi, sona abantu babo bakwikala mulamula, nkimba batakwiza pakulila? Ichisu chosi chila chikwiza pakwizula ngati lusoko ulwa Nayilo, nukupwa nkani ngati lusoko ulwa mu Ijiputi.”

Amosi 9:5

U Mwene, u Mwene Uwamaka Ghosi, yuyo achipalamasya ichisu ichapasi chikusunguluka, sona abantu babo bakwikalamo bakulila. Ichisu chosi chikwizula ngati lusoko ulwa Nayilo, sona chikupwa ngati lusoko ulwa mu Ijiputi.

Nahumu 1:8

loli na mizi aghakwizula, akwiza pakumunangannya u Ninive, sona akwiza pakubachimbizizya abalwani bache muchisi.

Matayi 22:2

“Ubumwene ubwa Kumwanya buyanite bulo nu mwene yuyo akayannya ulusekelo ulwa sendwa iya mwana wache.

Matayi 22:7

U mwene yula akakalala nkani, po akatuma abasilikali bache ababwite pakughogha abaghoghi bala nukocha akaya kabo.

Matayi 23:38

Ennya, ilelo Inyumba yinyu iya Chala yikwiza pakuba chisami.

Matayi 24:2

U Yesu akati, “Eee, mwenelezye akiza vyosi ivi. Naloli nkubabuzya ukuti nalimolimo ibwe lilyo likwiza pakusyala pamwanya pa lyamwabo; lyosi likwiza pakugumuliwa.”

Maliko 13:2

U Yesu akamula akati, “Nkimba ukwennya inyumba inkulu izi? Nalimolimo ibwe lilyo likwiza pakusyala pamwanya pa lyamwabo; lyosi likwiza pakugumuliwa.”

Maliko 13:7

Bo mukwivwa nizya bwite papipi pamo imbili iya bwite, mutakapasyanje. Ivintu vinivi vibaghiye vibombiwe, loli kute kokuti ubumalilo bwafika.

Maliko 9:12

U Yesu akamula akati, “Naloli u Eliya abaghiye ize tasi ukuti ayanizye zila vyosi. Loli nkimba choni chicho Amasimbo ghakuti u Mwana uwa Muntu akwiza pakuyimba nkani nukukaniwa?

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Luka 21:6

“Akabalilo kakwiza kako vyosi vivyo mukuvyennya vikwiza pakumongoliwa. Nalimolimo ibwe lilyo likwiza pakusyala pamwanya pa lyamwabo, lyosi likwiza pakugumuliwa.”

Luka 24:26

Nkimba zitamubaghiye pakuti u Kilisitu ayimbe ni vintu vyosi vinivi bo atinjiye mubuchindamu bwache?”

Luka 24:46

nukubabuzya ukuti, “Ivi vyo vivyo visimbiwe: U Kilisitu abaghiye pakuyimba nukuzyuka kubufwe, bo ghachilapo amasiku matatu,

Yohani 14:30

Ntakwiza pakunena namwe akabalilo akatali awe pakuti u Satana, umulaghili uwa chisu ichapasi akwiza. Ate na maka papane awe,

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Galatiya 3:13

U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.”

1 Pitala 2:21

U Chala akabitizya ukuti mukomane na zinizi, pakuti u Kilisitu umwenecho akayimba pachifukwa icha mwemwe nukubalekela ichifwanikizyo, umwakuti mukonke munyayo zyache.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.