Daniyeli 9:24 - IBAYIBOLO 2024

²⁴ “Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Daniyeli 9:24 Iomraidhean Croise

2 Imbili 29:24

Po abaputi bakaghogha imbuzi nukubika ibanda pachighemo pakuba chakwiyipa ichakupepesezya imbibi izya ba Izilayeli bosi, pachifukwa ichakuti u mwene akalamula ukuti babikaye ichakwiyipa ichakocha ni chakwiyipa ichakupepesezya imbibi izya ba Izilayeli bosi.

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 45:7

Ubughanite ubugholosu sona ububengite ububibi. Polelo u Chala wako akupakazya na mafuta agha buhobosu ukubachila abamanyani bako.

Yesaya 42:4

atakwiza pakupotwa pamo ukuwa amaka, bo atikazizye ubwanaloli pachisu ichapasi. Utusungo tukulindilila indaghilo zyache.”

Yesaya 51:6

Ennya kumwanya, Ennya pachisu ichapasi kumwanya kukwiza pakuzyebeluka ngati lyosi, chope ichisu ichapasi chikwiza pakumala ngati mwenda, abantu babo bakwikalamo bakwiza pakufwa ngati mbwele. Loli ubupoki bwane bukwiza pakubangako bwila na bwila, ubugholosu bwane butakwiza pakupotwa.

Yesaya 51:8

Pakuti impezu zikwiza pakubadobolannya ngati po menda, uluswa lukwiza pakubanangannya ngati po meya. Loli ubugholosu bwane bukwiza pakubangako bwila na bwila, ubupoki bwane bukwiza pakwendelela inkulilo ni nkulilo.

Yesaya 56:1

U Mwene akuti, “Mubombaye ubwanaloli sona nu bungolosu, pakuti ubupoki bwane buli papipi, sona ubugholosu bwane, bukwiza pakuvumbuliwa umwalubilolubilo.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Nkuto 4:22

Mwee bantu aba mu Yelusalemu, ulufundo lwinyu lwamala, po ubuzya bwinyu te bwendelele. Loli amwe, mwe bantu aba mu Edomu akwiza pakubafunda, pachifukwa icha mbibi zyinyu sona nukunanga kwinyu.

Ezekiyeli 28:12

“Wee mwana uwa muntu, mwimbile u mwene uwa mukaya akakulu nkani aka Tile ulwimbo ulwa nkuto ukuti, ‘U Mwene Uwamaka Ghosi ati: Ukaba we chimanyilo icha bwiza ubwakufikapo, nu wamahala aminji sona nu wakuboneka akiza.

Ezekiyeli 4:5

Nakupa amasiku aghakuyana amaka agha mbibi zyabo. Po amasiku 390 ukwiza pakunyamula imbibi izya ba Izilayeli.

Ezekiyeli 4:6

“Nanti wamala bulo izi, ulambalale sona, pakabalilo aka ulambalale kulubazu lwako ulwa ndilo, ukwiza pakunyamula imbibi izya ba Yuda. Nakupa amasiku 40, isiku lyoka ilyakuyana nu mwaka ghoka.

Aba Levi 25:8

“Mubelengaye Amaka Aghakutuzya seveni nukubalizya akaseveni, umwakuti Amaka Aghakutuzya ghabanje 49.

Aba Levi 8:15

U Mozesi akayibola inkambaku yila, akasenda ibanda limo na kafingwi kache nukulipaka pampembe izya chighemo pakuchiswefya. Akakupulila ibanda lyosi ilyakusyala pabwikalilo ubwa chighemo. Bunubu u Mozesi akabika ichakwiyipa ichakupepesezya imbibi.

Zekaliya 4:14

Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”

Ukubelengiwa 14:34

Mukwiza pakufundiwa amaka 40 pachifukwa icha mbibi zyinyu, kokuti umwaka ghoka ghukwimilila isiku lyoka ilya masiku ghagho mukabuka pakutendela ichisu chila. Po mukwiza pakubumanya namumo bubeleye ububibi ubwakuti ane imbasambukile.

Matayi 1:21

Akwiza pakupapa umwana umulumendo nukumwita ukuti we Yesu, pakuti weyuyo akwiza pakupoka abantu kumbibi zyabo.”

Matayi 11:13

Abalaghuzi bosi poka ni Ndaghilo izya Mozesi bakanenela zila nizya Bumwene ubwa Kumwanya mupaka pakabalilo aka Yohani Uwalozyo;

Matayi 4:5

Pisinda pache u Satana akamusendela u Yesu mu Yelusalemu, akaya akakulu nkani akazelu nukumukwezya pachisonje icha Nyumba iya Chala,

Maliko 1:24

“Wee Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi Izelu iya Chala!”

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Luka 21:22

Pakuti amasiku ghalaghala gho ghagho u Chala akwiza pakubafunda abantu ukuti vyosi vivyo Amasimbo ghakanena vikwanilisiwe.

Yohani 1:41

Umwalubilolubilo akamwagha uwamwabo u Simoni nukumubuzya ukuti, “Twamwagha u Mesiya.” (Mesiya kokuti Kilisitu.)

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.

Imbombo 3:14

Akaba Muzelu sona Mugholosu, loli mukamukana, po mukamulaba u Pilati ukuti ababulile ivyondongo lila.

Imbombo 3:22

Pakuti u Mozesi akati, ‘U Mwene u Chala winyu akwiza pakubatumila umulaghuzi ukuyana namumo akantumila sona akwiza pakuba yumo uwa bantu binyu. Mubaghiye pakwivwila vyosi vivyo akababuzya pakubomba.

Imbombo 4:26

Abamwene aba muchisu ichapasi bakiyannya bene sona abalaghili bakabungana poka pakumusambukila u Mwene nu Mupakiwa wache?’

Aba Loma 5:10

Pakuti tukaba balwani aba Chala, loli akasayana naswe ukwendela mu bufwe ubwa Mwana wache. Pakuti ilelo twaba bamanyani aba Chala, naloliloli tukwiza pakupokiwa ukwendela mubumi ubwa Kilisitu!

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

Aba Kolosi 1:20

Ukwendela mu Mwana wache u Chala akalondagha ukuti ivintu vyosi visayane nawe, manyi vya muchisu ichapasi, manyi vintu ivya kumwanya pakupanga umutende ukwendela mwibanda ilya Mwana wache pachipinjika.

Aba Kolosi 2:14

Akazimya ukalata uwa nkongole iya nongwa zyitu, poka ni ndaghilo zyache. Akazimya zyosi pakuzikomela pachipinjika.

Aba Hebeli 10:14

Ni chakwiyipa choka bulo akabapela abantu bosi babo bakaswefiwa imbibi pakuba bakufikapo bwila na bwila.

Aba Hebeli 2:17

Pachifukwa chinichi, chikalondiwa ukuti abanje ngati bo bakamu bache muvintu vyosi, umwakuti abanje muputi usongo uwachisa, sona nu musubiliwa mumbombo iya Chala nukuba chakwiyipa ichakuhobokela imbibi izya bantu.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

Aba Hebeli 9:26

Pakuti nanti chikabanga bunubu, ngali u Kilisitu ayimba akinji bulo ukwandila pakupeliwa ukwa chisu. Awe! Loli ilelo pakabalilo akabumalilo aka aboneka lyoka bulo mpela ukuti efye imbibi pakwiyipa mwene.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.

Ubuvumbuli 14:6

Pisinda pache nkennya uwantumi uyunji akubuluka mumwanyamwanya nkani, bo anyamuye Amazyu Amiza agha bwila na bwila aghakuti alumbilile pakasi pabantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha: