Daniyeli 9:21 - IBAYIBOLO 2024

²¹ Bo nkwiputa, u Gabiliyeli yuyo nkamwennya muchisetuka ichakwanda akabulukila papo nkaba. Kanaka kakaba kabalilo aka chamabwila akakubikila ichakwiyipa.

Daniyeli 9:21 Iomraidhean Croise

1 Abamwene 18:29

Bo umusanya wachila bakakolomoka mupaka pakabalilo akakubikila ivyakwiyipa ivya kuchamabwila, pope bulo kukaba bulo myee, atakabapo nayumoyumo uwakubamula pamo uwakubateghelezya.

1 Abamwene 18:36

Pakabalilo akakubikila ichakwiyipa umulaghuzi u Eliya akiza pantazi nukwiputa ukuti, “Wee Mwene u Chala uwa Abulahamu nuwa Yisaki nuwa Yakobo, ilelo chimanyikwe ukuti awe we Chala uwa ba Izilayeli sona nukuti ane ne mubombi wako. Ane nabomba zyosi zinizi pachifukwa ichakuti ukandamula.

Masalimo 103:20

Mwee bantumi bache, mupalaye u Mwene, kokuti mwe bamaka mwe mukuzikonka indaghilo zyache mupalaye u Mwene.

Masalimo 104:4

Akuyipela impepo pakuba zyo ntumi zyache, sona impesese izya moto pakuba babombi bache.

Masalimo 141:2

Inyiputo zyane zibanje ngati twakufukizya utwakununkila pamaso papako. Ukukwezya inyobe zyane mumwanya, kubanje ngati cho chakwiyipa icha pachamabwila.

Ukufuma 29:39

Umubike weka pandabindabi, sona uyunji umubike pachamabwila.

Yesaya 6:2

Pamwanya papache pakimilila abaselafi, babo wesi akaba ni vipapande sikisi. Wesi akivwinka ni vipapande vibili kumaso, vibili bakavwinka kunyayo, sona vibili vikaba vya kubulukila.

Ezekiyeli 1:11

Po umu momumo vikabela ivyeni vyabo. Ivipapande vyabo vikakuzuliwa mumwanya, chosi chikaba ni vipapande vibili, choka chikapalamasya ichipapande icha chipeliwa kulubazu ulwa chamwabo, po ivipapande vibili vikakupikila umubili wache.

Ezekiyeli 1:14

Po ivipeliwa ivyabumi vila vikachimbilagha uku na uku ngati kumesya ukwa kamesya.

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Daniyeli 10:10

Inyobe yikampalamasya nukunyamusya, bo ivimpevu ni nyobe vikutetema.

Daniyeli 10:16

Po yumo yuyo akabonekagha ngati muntu, Akapalamasya imilomo yane nukunyighula umulomo, po nkanda pakunena. Nkamubuzya yuyo akimilila pamaso papane ukuti, “Wee songo, ivintu vivyo navyennya muchisetuka vyambaba nkani mumoyo, sona inte na maka.

Daniyeli 10:18

Po yumo yuyo akaba ngati muntu akampalamasya nukumpa amaka.

Daniyeli 8:16

Nkivwa izyu ilya muntu mulubazu ulwa lusoko ulwa Ulayi likukolomoka likuti, “Gabiliyeli mubuzye umuntu yunuyu chicho ichisetuka chinichi chikusanusya.”

Daniyeli 8:18

Bo akunena nane nkaghona utulo utwakufwa nato, bo icheni chane chikotamiye pasi. Po akampalamasya nukunyamusya.

Matayi 27:46

Pachamabwila pakabalilo aka fili koloko, u Yesu akalila nizyu ilya pamwanya nukuti, “Eloyi, Eloyi lama sabakatani?” Ichi chikung'anamula ukuti, “Wee Chala wane, wee Chala wane, nkimba choni chicho wandeka?”

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Luka 1:26

Mumwezi wasikisi uwa lwanda ulwa Elizabeti, u Chala akatuma uwantumi u Gabiliyeli kukaya aka Nazaleti muchigaba icha Galileya.

Imbombo 10:3

Isiku limo akabalilo aka fili koloko pachamabwila akennya ichisetuka. Muchisetuka chilachila akamwennya akiza nkani uwantumi uwakumwanya uwa Chala akwiza kukwache nukuti, “Kolineliya!”

Imbombo 10:9

Indabi yache, bo bali muzila, sona bo bakupalamila mu Yopa, u Pitala akakwela pachisonje ukuti ipute bo izuba lili pamutu.

Imbombo 12:7

Umwakuchenusya uwantumi uwakumwanya uwa Mwene akimilila palapala, ulukozyo lukalama mujele mula. Uwantumi yula akamuyingannya u Pitala pachipunko, akamunyamusya nukuti, “Lubilolubilo! Nyamuka!” Panapo na panapo impingu zikawa munyobe izya Pitala.

Imbombo 3:1

Isiku limo u Pitala nu Yohani bakabukagha mu Nyumba iya Chala pakabalilo aka fili koloko pachamabwila, akabalilo aka nyiputo.

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Aba Hebeli 1:7

Nizya bantumi aba kumwanya u Chala akati, “U Chala akubapela abantumi bache aba kumwanya pakuba balubilo ngati yo mpepo, sona akubapela ababombi bache pakuba ndimi izya moto.”

Ubuvumbuli 9:17

Muchisetuka chane nkennya ifalasi na bakukwelapo bache. Pa vifuba vyabo bakavwala ivyela ivichesamu ngati gho moto, ni vyabulu ngati lyo lyosi, sona ni vyakayinja ngati we sulufule. Imitu iya falasi zila yikaba ngati iya nkalamu, sona mumalomo ghabo mukafumagha umoto ni lyosi nu sulufule.